الاتاۋ اۋدانىندا قاتتى جاۋىن-شاشىن كەزىندە سۋ باساتىن 18 ۋچاسكە انىقتالدى.
بۇگىنگى تاڭدا توتەنشە جاعداي جەلىسى بويىنشا ونىڭ 10-ى جويىلدى، دەپ حابارلايدى Almaty-akshamy.kz.
انىقتاما ءۇشىن: ارىق جەلىلەرىن سالۋ جانە رەكونسترۋكسيالاۋ – 1،2 كم، كوللەكتوردى تازارتۋ – 8،4 كم جانە كانالداردى تازارتۋ – 3،9 كم، سۋ بۇرۋ ارنالارىن سالۋ – 6،5 كم، بورالداي وزەنىنىڭ جاعالاۋىن نىعايتۋ – 671 م.
قالانىڭ باتىس بولىگىندە جالپى ۇزىندىعى 49 كم بولاتىن 59 كوشە بويىنشا ارىق جەلىسى مەن نوسەر كاناليزاسياسىن سالۋ جانە رەكونسترۋكسيالاۋ جوباسىن ىسكە اسىرۋ شەڭبەرىندە قالعان 8 سۋ باسۋ ۋچاسكەسى جىل سوڭىنا دەيىن جويىلادى (وسى جىلدىڭ ماۋسىم ايىنىڭ سوڭىندا مەردىگەر ۇيىمدار انىقتالدى، شىلدە ايىندا جۇمىس باستالدى).
«قاراسۋ» كولىن مەحانيكالىق تازارتۋ جۇمىستارى جۇرگىزىلۋدە. سۋ اعىزۋ قۇرىلىستارىن سالۋ جانە ۇزىندىعى 40 م (ديامەترى 280 مم) جول استىنان تەسۋ جۇزەگە اسىرىلۋدا. بۇگىنگى كۇنى 5 مىڭ م3 تۇنبا شوگىندىلەرى شىعارىلدى. جۇمىستاردى وسى جىلدىڭ قىركۇيەك ايىنىڭ سوڭىندا اياقتايمىز.
«وجەت» شاعىن اۋدانىنداعى توعان بويىنداعى جاسىل ايماق (16 گا) جانە بورالداي وزەنىنىڭ جاعالاۋىنداعى جاياۋ جۇرگىنشىلەر سەرۋەندەۋ ايماعىنىڭ (24 گا) قۇرىلىسى باستالدى. ەكى جوبانى 2024 جىلدىڭ IIء-شى توقسانىندا پايدالانۋعا بەرۋ جوسپارلانۋدا.
«قاراسۋ» شاعىن اۋدانى تۇرعىندارىنىڭ كوپتەگەن وتىنىشتەرى بويىنشا اۋدان اكىمدىگى باعانالى وردا كوشەسىندە جاياۋ جۇرگىنشىلەر ايماعىن سالۋ جوسپارلانۋدا. جوبا مەردىگەر ۇيىمدى ايقىنداۋ ساتىسىندا. جوبانى ىسكە اسىرۋ تامىز ايىنىڭ سوڭىنا دەيىن باستالادى، بيىلعى جىلدىڭ قاراشا ايىندا اياقتالادى.
سونىمەن بىرگە، «زەردەلى» شاعىن اۋدانىندا دەنە شىنىقتىرۋ-ساۋىقتىرۋ كەشەنىنىڭ قۇرىلىسى جۇرگىزىلۋدە. ونى وسى جىلدىڭ قىركۇيەك ايىنىڭ سوڭىنا دەيىن اياقتاۋ جوسپارلانۋدا.