قالانىڭ «ديزاين كودىنا» وتاندىق قۇرىلىس ماتەريالدارىن ەنگىزۋ جوسپارلانۋدا.
بۇل مەگاپوليستەگى شاعىن جانە ورتا بيزنەستىڭ دامۋىنا ايتارلىقتاي اسەر ەتتى. باعدارلامانى ىسكە اسىرۋدىڭ ەگجەي-تەگجەيىن الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ وڭىرلىك كوممۋنيكاسيالار قىزمەتى الاڭىندا سويلەگەن سوزىندە ايتىپ بەردى، دەپ حابارلايدى Almaty-akshamy.kz
بيىلعى جىلى وسى باعدارلاما بويىنشا 42،7 ملرد تەڭگە سوماسىنا 27 جوبا قارجىلاندىرىلىپ، ماقۇلداندى. سۇيەمەلدەنەتىن جوبالاردىڭ ىشىندە وڭدەۋشى ونەركاسىپ سالاسى جەتەكشى ورىندا – 70%، ودان ءارى قىزمەت كورسەتۋ سالاسى.
ايتۋار قوشمامبەتوۆ مىناداي مىسالدار كەلتىردى: سۋسىندار مەن تاماق ونىمدەرىن وندىرەتىن RG Brands Kazakhstan كاسىپورنىنا توڭازىتقىش جابدىقتارىن ساتىپ الۋ ءۇشىن 4،3 ملرد تەڭگە سوماسىندا كرەديت بەرىلدى، سۋسىندار وندىرەتىن «جيگالما» ج ش س اينالىم قاراجاتىن تولىقتىرۋ ءۇشىن 1 ملرد تەڭگە سوماسىندا نەسيە الدى.
بۇدان باسقا، ول بيىل الماتىلىق وندىرۋشىلەر پۋلى قۇرىلعانىن ەسكە سالدى. ولارمەن بىرگە پروبلەمالاردى انىقتاۋ جانە وندىرۋشىلەردىڭ ناقتى جۇكتەمەسى ءۇشىن قالا اكىمىنىڭ ورىنباسارلارى ءوندىرىس ورىندارىن بىرلەسىپ ارالايدى. جەرگىلىكتى اتقارۋشى ورگاندارمەن بىرلەسىپ، 30-دان استام وتاندىق كاسىپورىنداردىڭ جۇمىسى قارالدى.
ايتۋار قوشمامبەتوۆ 2021 جىلى الماتىدا جەرگىلىكتى ءونىم شىعارۋدى بەلسەندى قولداعانىن ايتتى. مىسالى، وتاندىق وندىرۋشىلەر اراسىنان 400 ملن تەڭگە سوماسىنا مەكتەپ جيھازىن جەتكىزۋگە كونسورسيۋممەن كەلىسىمشارت جاسالدى. تاعى ءبىر «سكلاد وۆ» كاسىپورنى 50،6 ملن تەڭگە سوماسىنا 19 مىڭ سەكسيا رادياتورىن جەتكىزۋگە كەلىسىمشارت جاسادى. «الماتىليفت» كومپانياسى 449 ملن تەڭگەگە 46 ليفت شىعاردى.
كاسىپكەرلەر پالاتاسىنىڭ ديرەكتورى «الماتى باس جوسپارى» عزي» جشس-مەن بىرلەسىپ، الماتى قالاسى بويىنشا قۇرىلىس ماتەريالدارىنىڭ كاتالوگى جاسالاتىنىن ايتتى. قالانىڭ «ديزاين كودىنا» وتاندىق قۇرىلىس ماتەريالدارىن ەنگىزۋ جوسپارلانۋدا.