قاراعاندىنىڭ شالعايداعى مەكتەپتەرى ينتەرنەتپەن تۇگەل قامتىلدى

بيىل قاراعاندى وبلىسىنىڭ 106 اۋىلدىق مەكتەبى StarLink ينتەرنەتىنە قوسىلدى. 

وسىلايشا، وڭىردە جوعارى جىلدامدىقتى ينتەرنەتپەن قامتۋ 100% عا جەتتى، دەپ حابارلايدى aqshamnews.kz

بۇل تۋرالى پەداگوگتارعا ارنالعان وبلىستىق تامىز كونفەرەنسياسىندا ءمالىم بولدى.

«كەڭ جولاقتى ينتەرنەتكە قولجەتىمدىلىك بالالاردىڭ تۇرعىلىقتى جەرىنە قاراماستان – اۋىلدىق جەردە نەمەسە قالادا بولسىن ساپالى ءبىلىم بەرۋ كونتەنتىن الۋ بويىنشا كەڭ مۇمكىندىكتەر اشادى»، -دەپ اتاپ ءوتتى وبلىس اكىمى ەرماعانبەت بولەكپايەۆ.

سونىمەن قاتار، ءوڭىر مەكتەپتەرىن كومپيۋتەرلەندىرۋ تورتتەن ءبىر بولىككە ۇلعايتىلدى. 9 مىڭ زاماناۋي كومپيۋتەر ساتىپ الىندى. بۇل جۇمىس جالعاسادى.

جابدىقتاردى جاڭارتۋ قاراعاندى وبلىسىنىڭ مەكتەپ بىلىمىنە زاماناۋي تەحنولوگيالاردى ەنگىزۋگە مۇمكىندىك بەرەدى. Digital matematika جانە BilimTest جوبالارى ىسكە اسىرىلۋدا.

جاساندى ينتەللەكتتى قولداناتىن سيفرلىق پلاتفورمالار وقىتۋدى تيىمدىرەك ەتەدى.

مىسالى، Digital matematika وقۋشىلارعا تاقىرىپتاردى ءوز بەتىنشە ۇيرەنۋگە، پراكتيكالىق تاپسىرمالاردى ورىنداۋعا، بىلىمدەگى ولقىلىقتاردى جويۋعا مۇمكىندىك بەرەدى. ينتەراكتيۆتى جۇيە ەكى تىلدە جۇمىس ىستەيدى.

BilimTest ءموبيلدى قوسىمشاسى ءارتۇرلى سىناق تەست جانە پايدالى وقۋ ماتەريالدارىنا قول جەتكىزۋگە مۇمكىندىك بەرەدى.

بيىل ElSkills جوباسىن ىسكە قوسۋ جوسپارلانۋدا. ول مۇعالىمدەردى باسقالاردىڭ ەموسيالارىن تانۋعا جانە ءوز ەموسيالارىن باسقارۋعا ۇيرەتۋگە باعىتتالعان.