ءۇيدىڭ توبەسى تولىقتاي ورتەنىپ كەتتى.
قاراعاندى وبلىسىنىڭ تجد باستىعى تۇرعىن ۇيدە بولعان ءورتتىڭ سەبەبىن حابارلادى. ءۇيدىڭ توبەسى تولىقتاي ورتەنىپ كەتتى، دەپ حابارلايدى اlmaty-akshamy.kz.
قاراعاندى وبلىسىنىڭ تجد باستىعى مۇرات كاتپانوۆتىڭ ايتۋىنشا، ءورت 5-قاباتتاعى پاتەردىڭ بالكونىندا پايدا بولعان. كەيىن وت عيماراتتىڭ بۇكىل شاتىرىن شارپىعان.
«بولجام بويىنشا، عيماراتتىڭ شاتىرىنىڭ جالپى اۋدانى 840 شارشى مەتردى قۇرايدى. وت شاتىردى تولىعىمەن شارپىعان. ءورت شامامەن كۇندىز ساعات ۇشتە پايدا بولدى. ءورتتى ءبىر ساعات ىشىندە، ساعات 16.00-دە اۋىزدىقتالىپ، 16.23-تە جويىلدى. بارلىعى 37 ادام، ونىڭ ىشىندە 10 بالا ەۆاكۋاسيالاندى. ءورتتى جويۋعا 88 ادام مەن 17 تەحنيكا جۇمىلدىرىلدى»، - دەدى مۇرات قاتپانوۆ.
قازىرگى ۋاقىتتا سۋ توگۋ جۇمىستارى جالعاسۋدا. جەرگىلىكتى جەردە ءورتتىڭ سەبەپتەرىن انىقتاۋ بويىنشا ارنايى بولىمشەلەر جۇمىس ىستەۋدە.