وقيعا ورنىندا جەدەل-تەرگەۋ توبى جۇمىس ىستەپ جاتىر
3 قاڭتاردا قاراعاندىداعى كاراوكە-كلۋبتاردىڭ بىرىندە كەلۋشىلەر اراسىندا جانجال شىعىپ، سونىڭ سالدارىنان 23 جاستاعى جىگىت وق جاراقاتىمەن اۋرۋحاناعا ءتۇستى، – دەپ حابارلايدى Almaty-akshamy.kz Azattyq Rýhy-نا سىلتەمە جاساپ.
اقپاراتتى قاراعاندى وبلىسىنىڭ پوليسيا دەپارتامەنتى راستادى.
«3 قاڭتاردا تاڭعى ساعات 02.00 شاماسىندا «جانىم سول» كاراوكە-كلۋبىنىڭ كەلۋشىلەرى مەن كۇزەتشىلەرى اراسىندا بولعان جانجال سالدارىنان 23 جاستاعى قالا تۇرعىنى «وق جاراقاتى» دياگنوزىمەن اۋرۋحاناعا جاتقىزىلدى. اتالعان فاكتى بويىنشا ق ر قىلمىستىق كودەكسىنىڭ «ادام ولتىرۋگە وقتالۋ» بابى بويىنشا سوتقا دەيىنگى تەرگەۋ باستالدى»، – دەلىنگەن پد حابارلاماسىندا.
قاقتىعىسقا قاتىسۋشىلاردىڭ كىم ەكەنى انىقتالدى. ولاردان قارۋ تاركىلەنىپ الىندى. بۇگىنگى تاڭدا قىلمىسقا قاتىسى بار وزگە دە تۇلعالاردى جەدەل-ىزدەستىرۋ شارالارى جۇرگىزىلۋدە. وقيعا ورنىندا جەدەل-تەرگەۋ توبى جۇمىس ىستەپ جاتىر.