بارلاۋ كەزىندە ءۇش ادامنىڭ ءمايىتى تابىلدى
قاراعاندى وبلىسىنىڭ توتەنشە جاعدايلار دەپارتامەنتىنىڭ باسپا ءسوز قىزمەتى جارىلىس بولعان پاتەردە گاز قۇرىلعىلارى تابىلماعانىن مالىمدەدى. توتەنشە جاعدايدىڭ سەبەپ-سالدارى ناقتىلانۋدا، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەسكە سالا كەتەيىك، 10 قاڭتار كۇنى ساعات 21:29-دا قاراعاندى قالاسىندا رەسپۋبليكا داڭعىلى، 18/2 مەكەنجايىندا ءورت شىققانى تۋرالى حابارلاما كەلىپ ءتۇستى. 16 قاباتتى ءبىر كىرەبەرىستى 127 پاتەرلى تۇرعىن ءۇيدىڭ 8ء-شى قاباتىنداعى پاتەردە جالپى الاڭى 30 شارشى مەتر اۋماقتا ءورت شىقتى.
1979 جىلى تۋعان ەر ادام جانىپ جاتقان پاتەردىڭ بالكونىنان قۇلاپ، مەديسينالىق مەكەمەگە جاتقىزىلدى.
بارلاۋ كەزىندە ءۇش ادامنىڭ (ەكى ەر ادام مەن ءبىر ايەل ادام بولۋى مۇمكىن) ءمايىتى تابىلدى. تجد كۇشتەرىمەن پاتەرلەردەن 48 ادام (ونىڭ ىشىندە 9 بالا) شىعارىلدى جانە 82 ادام (ونىڭ ىشىندە 21 بالا) ەۆاكۋاسيالاندى. ساعات 22:55-تە ءورت وقشاۋلاندى. وقيعا ورنىنا تجم 88 قىزمەتكەرى مەن 23 تەحنيكاسى جۇمىلدىرىلدى.
«گاز جارىلىسى راستالمادى. وقيعا ورنىندا گاز قۇرىلعىلارى تابىلمادى. ەشقانداي قيراۋلار نەمەسە قۇرىلىمدىق بۇزىلۋلار جوق. جىلۋ جۇيەلەرى بۇزىلماعان. ءورتتىڭ شىعۋ سەبەبى انىقتالۋدا»، - دەپ مالىمدەدى قاراعاندى وبلىسى تجد باسپا ءسوز قىزمەتى.
ەۆاكۋاسيالانعان تۇرعىندار تۋىستارىنا جانە قالاداعى قوناقۇيلەرگە ورنالاستىرىلادى. وقيعا ورنىندا پسيحولوگتار جۇمىس ىستەۋدە.
تۇرعىنداردى پاتەرگە قايتارۋ ماسەلەسى شەشىلۋدە.