قاراعاندى وبلىسىنىڭ شەت اۋدانىندا جەرگىلىكتى دەڭگەيدە توتەنشە جاعداي جاريالاندى.
اۋداندا 3 ەلدى مەكەندى سۋ باستى. قۇتقارۋشىلار 292 ادامدى ءقاۋىپسىز جەرگە شىعاردى، دەپ حابارلايدى Almaty-akshamy.kz 24.kz-كە سىلتەمە جاساپ.
جارتىسىنا جۋىعى – بالالار. شەرۋباي-نۇرا وزەنىندە سۋ كوتەرىلىپ، قايراقتى اۋىلىندا 9 ۇيگە سۋ كىردى. 67 تۇرعىن ۋاقىتشا اقسۋ-ايۋلى اۋىلىنداعى تۋىستارىنا ورنالاستىرىلدى. ءقازىر وزەن ارناسىنا قۇم تولتىرىلعان قاپتار قويىلىپ، بوگەت ورناتىلىپ جاتىر. ال اقسۋ اۋىلىندا 24 ءۇيدى سۋ باسىپ، 120-عا جۋىق تۇرعىن ءقاۋىپسىز جەرگە كوشىرىلدى. دەرىپسال اۋىلىندا دا بىرنەشە باسپاناعا قارعىن سۋ كىرگەن. جالپى وڭىردەگى احۋال باقىلاۋدا، توتەنشە جاعدايلار دەپارتامەنتىندەگى سۋ تاسقىنىنا قارسى شتابى تاۋلىك بويى جۇمىس ىستەپ تۇر. وڭىردەگى گيدروتەحنيكالىق نىسانداردا، سۋ قويمالارىندا جاعداي قالىپتى.
«وبلىس ورتالىعىنان دا كۇش قۇرالدارى جۇمىلدىرىلىپ، سونىڭ سالدارىنان وسى اۋداندا ورىن العان تج زالالىن ازايتتى دەۋگە تولىق نەگىز بار. بۇگىنگى كۇنى ارنايى كوميسسيا قۇرىلدى. ۇيلەرگە كەلگەن شىعىن ەسەپتەلىپ، سونىڭ نەگىزىندە ءارقايسىسىنا ءتيىستى كومەك كورسەتىلەدى»، - دەيدى شەت اۋدانىنىڭ اكىمى مۇحيت مۇحتاروۆ.