ءار وتباسىنىڭ ماسەلەسى جەكەلەي شەشىلەدى.
قاراعاندى وبلىسىنىڭ اكىمى جارىلىس بولعان شاحتاعا بارىپ، جاعدايدى ءوز باقىلاۋىنا الۋعا ۋادە بەردى، دەپ حابارلايدى Almaty-akshamy.kz
ءوڭىر اكىمى بۇل كۇندى قايتىس بولعان كەنشىلەردىڭ تۋىستارى مەن جاقىندارىنا بارۋدان باستاعانىن جازدى.
"ولارعا كوڭىل ايتىپ، قولداۋ ءبىلدىردىم. مەملەكەت باسشىسىنىڭ تاپسىرماسى بويىنشا وبلىس اكىمدىگى وتباسىلارعا ماتەريالدىق قولداۋ مەن جەرلەۋ راسىمدەرىن ۇيىمداستىرۋ جانە وزگە دە قاجەتتى كومەك كورسەتۋ شارالارىن ىسكە اسىرۋ ءۇشىن جەدەل تارتىپتە جۇمىس جاساپ جاتىر"، - دەپ جازدى ول Facebook-تەگى پاراقشاسىندا.
اكىمنىڭ سوزىنشە، ءار وتباسى كوتەرگەن ماسەلەلەر جەكەلەي شەشىلەدى.
"بۇل ماسەلە مەنىڭ جەكە باقىلاۋىمدا. مەن سىزدەردى قابىلدانعان شارالار تۋرالى حاباردار ەتىپ وتىرامىن"، دەدى ەرماعانبەت بولەكبايەۆ.