قارا ناسكي جاڭا ترەندكە اينالدى

رەسەيلىك ستيليست الەكساندر روگوۆ قارا ءتۇستى شۇلىقتى 2023 جىلدىڭ جاڭا ترەندى دەپ اتادى. 

بۇل تۋرالى ستيليست ءوزىنىڭ 132 مىڭنان استام وقىرمانى بار Telegram-كانالىنداعى پوستىندا جاريالادى، دەپ حابارلايدى Almaty-akshamy.kz.

مامان گاردەروبتاعى ناسكيدىڭ  ءسان كورسەتىلىمدەرىنىڭ ارقاسىندا وزەكتى بولعانىن ءتۇسىندىردى. وسىلايشا ونىمدەرى Prada جانە Valentino سياقتى ءساندى برەندتەردىڭ شوۋى اياسىندا ۇسىنىلدى، دەپ اتاپ ءوتتى ساراپشى. سونىمەن قاتار، ول ءوزىنىڭ بۇل سوزدەرىن مانەكەنشىلەرىنىڭ سۋرەتتەرىمەن كورسەتتى. وندا مانەكەنشىلەر قارا شۇلىقتى ۇستىنە شولاق شالبار، پلاشش، پيدجاكپەن، تۋفليمەن جانە لوفەرمەن ۇيلەستىرىپ كيگەن.

سونىمەن قاتار، بىرنەشە كۇن بۇرىن Telegram كانالىندا جاريالاعان پوستىندا روگوۆ قارا شۇلىق كيگەن سۋرەتىن كورسەتتى جانە ونى ەرەكشە ءساندى دەپ اتادى. «مەنىڭ ساراپشىلىعىم مەن بولجاعىشتىق قاسيەتىمە بىرەۋدىڭ كۇمانى بار ما؟» - دەپ سۇرادى ول ءوز ءىزباسارلارىنان.

ماۋسىم ايىنىڭ باسىندا رەسەيلىك ستيليست ولگا سكوروكوسوۆا 2023 جىلدىڭ جازىنا ارنالعان ەڭ ءساندى كيىم تۇستەرىن اتاعان بولاتىن. ساراپشى گاردەروبتا  تاڭقۋراي تۇستەس كيىمدەر ساندە  بولاتىنىن اتاپ ءوتتى. ول سونداي-اق اشىق قىزىل، سارى، جاسىل جانە كوك تۇستەردىڭ، سونداي-اق شابدالى، اشىق كوك جانە اشىق جاسىل تۇستەردىڭ ونىمدەرىن تاڭداۋعا كەڭەس بەردى.