باعا ءوسۋىنىڭ بىرنەشە سەبەپتەرى بار.
Brent ماركالى مۇنايدىڭ الەمدىك باعاسى ناۋرىز ايىنىڭ سوڭىنان بەرى العاش رەت باررەلىنە 120 دوللاردان (94،90 فۋنت ستەرلينگتەن) جوعارى ءوستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ساراپشىلاردىڭ باعالاۋىنشا، باعا وسىمىنە شانحاي مەن بەيجىڭدەگى Covid-19 شەكتەۋلەرىنىڭ جەڭىلدەتىلۋى ىقپال ەتتى. بۇل ءوز كەزەگىندە جۇڭگو تاراپىنان مۇنايعا دەگەن سۇرانىستى ارتتىرا الادى.
بۇعان قوسا، ەو-نىڭ رەسەيلىك كومىرسۋتەكتەر يمپورتىنا تىيىم سالۋى دا ەنەرگيا تاسىمالداۋشىلار باعاسىنىڭ وسۋىنە اكەلەدى. ۇلىبريتانيادا بەنزيننىڭ ورتاشا باعاسى ليترىنە 172،7 پەنسكە دەيىن، ال ديزەل وتىنىنىڭ ورتاشا باعاسى ليترىنە 182،7 پەنسكە دەيىن كوتەرىلىپ، جىل باسىنان بەرى ورتاشا ەسەپپەن 26%-عا وسكەن. جانارماي باعاسىنىڭ تۇراقتى ءوسىمى جاڭا الەۋمەتتىك تولەمدەردى قارجىلاندىرۋ ءۇشىن ۇلىبريتانيا ۇكىمەتىنەن ۇستەمە پايداعا قوسىمشا اقى الىپ وتىرعان مۇناي كومپانيالارىنا پايدا اكەلۋدە.