"الماتى تازالىق" مكك ارنايى تەحنيكاسىنىڭ جۇرگىزۋشىسى قانات ءنۇسىپجان الماتىلىقتاردى قار تازالاۋ كەزىندە جولدان ماشينالارىن الىپ تاستاۋعا شاقىردى
الماتىدا قار تازالاۋ جۇمىستارى كۇن-تۇن دەمەي جالعاسۋدا. «الماتى تازالىق» مەكەمەسىنىڭ ارنايى تەحنيكا جۇرگىزۋشىسى قانات ءنۇسىپجاننىڭ ايتۋىنشا، قىزمەتكەرلەر تۇننەن بەرى تىنىمسىز جۇمىس ىستەۋدە.
— قار جاۋا باستاعان ساتتەن-اق جولداردى تازالاۋعا كىرىستىك. بار كۇشىمىزدى سالىپ، قالانى قاردان تازارتۋعا تىرىسىپ جاتىرمىز. الايدا نەگىزگى قيىندىق – قار تازالايتىن جەرلەرگە ادامدار كولىكتەرىن قالدىرىپ كەتەدى. بۇل جۇمىستاردى قيىنداتىپ، ۋاقىتتى ۇزارتادى. ءبىز امالىن تاۋىپ، اينالىپ وتسەك تە، تۇرعىنداردان كولىكتەرىن ۋاقىتشا جىلجىتىپ قويۋلارىن سۇرايمىز، — دەدى قانات ءنۇسىپجان.
ماماندار قىس مەزگىلىندە قالا تازالىعىن قامتاماسىز ەتۋ ءۇشىن تۇرعىنداردىڭ تۇسىنىستىك تانىتۋىن وتىنەدى.