قار تازالاۋ قىزۋ ءجۇرىپ جاتىر

الماتى قالاسىندا 2021 جىلعى 15 قاراشاداعى تۇنگى كەزەڭدە قار تازالاۋ بويىنشا اقپارات

15 قاراشا كۇنى ساعات 01.00-دەن باستاپ الماتىنىڭ تاۋلى اۋداندارىندا قار جاۋا باستادى. 15 قاراشا كۇنى ساعات 09.00-دەگى جاعداي بويىنشا قالانىڭ تاۋ بوكتەرىندە 5-8 سم، تاۋلاردا 40 سم-گە دەيىن قار تۇسكەن. جاۋىننان كەيىن ساعات 07.00-دەن جاڭبىر ارالاس قار جاۋا باستادى. 

كوكتايعاقتىڭ الدىن الۋ ماقساتىندا قار جاۋا باستاعان ساتتەن باستاپ قالانىڭ جوعارعى بولىگىندە جولدارعا، جول قيىلىستارىنا كوكتايعاققا قارسى ماتەريالدار سەبىلىپ، قار تازالاۋ جۇمىستارى باستالدى. اۋدان مەن قالا اكىمدىكتەرىندە قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى. 

تروتۋار، جاياۋ جۇرگىنشىلەر ايماقتارىن، قوعامدىق كولىك ايالدامالارىن، «قالتالاردى» جانە باسقا دا جالپى پايدالانۋ ورىندارىن تازالاۋعا ەرەكشە كوڭىل ءبولىندى. تۇسكەن جاپىراقتاردى جاپپاي جيناۋ ۇيىمداستىرىلدى. 

تۇنگى ۋاقىتتا 498 بىرلىك تەحنيكا جۇمىلدىرىلسا، ونىڭ ىشىندە 178 قۇم شاشقىش پەن 280 جول جۇمىسشىسى بار. 

ساعات 09.00-دەگى جاعداي بويىنشا 920 توننا تايعاققا قارسى ماتەريال پايدالانىلدى. 

15 قاراشا كۇنى تاڭەرتەڭ 545 بىرلىك تەحنيكا، ونىڭ ىشىندە 197 قۇم شاشقىش پەن 1494 جول جۇمىسشىسى جۇمىلدىرىلدى. 

قازگيدرومەتتىڭ بولجامى بويىنشا جاۋىن-شاشىن بۇگىن تۇستەن كەيىن اياقتالادى.

الماتى قالاسىنىڭ تۇرعىن ءۇي ساياساتى باسقارماسى