الداعى ءۇش تاۋلىك ىشىندە اتموسفەرالىق فرونتتىق بولىكتەردىڭ اسەرىنەن قازاقستاننىڭ باسىم بولىگىندە قار جاۋىپ، جاياۋ بۇرقاسىن سوعىپ، جەل كۇشەيەدى دەپ بولجانادى، - دەپ حابارلايدى aqshamnews.kz.
ەلدىڭ وڭتۇستىگىندە جاڭبىر مەن قار تۇرىندەگى جاۋىن-شاشىن بولادى، 22 قاڭتاردا تاۋلى ايماقتاردا قالىڭ قار جاۋادى. رەسپۋبليكا بويىنشا تۇمان بولجانادى، ال ەلدىڭ وڭتۇستىگى مەن وڭتۇستىك-شىعىسىندا كوكتايعاق بولادى.
22 قاڭتاردا سۋىق انتيسيكلون رەسپۋبليكانىڭ سولتۇستىك جارتىسىنا اسەر ەتىپ، بۇل وڭىرلەردە اۋا تەمپەراتۋراسى تۇندە 25–38 گرادۋس ايازعا دەيىن، كۇندىز 20–30 گرادۋس ايازعا دەيىن تومەندەيدى.
ال قازاقستاننىڭ باتىسىندا، وڭتۇستىك-باتىسىندا، وڭتۇستىگىندە جانە وڭتۇستىك-شىعىسىندا اۋا تەمپەراتۋراسى بىرتىندەپ جوعارىلايدى: كۇندىز وڭتۇستىك وڭىرلەردە اۋا تەمپەراتۋراسى 5 گرادۋس ايازدان 3 گرادۋس جىلۋعا دەيىن، تاۋلى اۋدانداردا 8–13 گرادۋس اياز، ال باتىس وڭىرلەردە 5–13 گرادۋس اياز بولادى دەپ كۇتىلەدى.