قايىرىمدىلىق شاراسى
ناۋرىز مەيرامىنا وراي قاپشاعايعا قاراستى قوسقۇدىق اۋىلىندا بايگە ءوتتى. وعان ەلىمىزدىڭ بىرنەشە وڭىرىنەن كەلگەن بايگە جىلقىلار قاتىستى، Almaty-akshamy.kz Baq.kz سايتىنا سىلتەمە جاساپ.
قاپشاعايدا ناۋرىز مەيرامىن تويلاۋ بارىسىندا شەڭگەلدى اۋىلدىق وكرۋگىنە قاراستى قوسقۇدىق اۋىلىندا «الامان»، «توپ»، «تاي»، «قۇنان» بايگەلەرى ۇيىمداستىرىلدى.
جارىس باراسىندا قاپشاعاي ءوڭىرىنىڭ اكىمى نۇرلان ورىنباسار ۇلى ءسوز الىپ، حالىقتى ءاز-ناۋرىز مەرەكەسىمەن قۇتتىقتاپ، اتبەگىلەرگە ساتتىلىك تىلەدى.
سونىمەن بىرگە، اۋىل اقساقالدارى سايىس باستالار الدىندا بايگەگە قاتىسۋشالىرعا جىلى لەبىزدەرىن ءبىلدىرىپ، اق باتاسىن بەردى.
اكىمنىڭ ايتۋىنشا، بايگەنىڭ وتكىزۋگە ءوڭىردىڭ جاستارى باستاما كوتەرگەن.
«بىزدە جاستار قوعامى بار، سولار بايگە وتكىزسەك دەگەن ۇسىنىس جاسادى. ءبىز قولداپ، سىي-سياپات جاعىنان كومەكتەستىك. شارادان تۇسكەن قاراجاتتى جاستار قوعامى قايىرىمدىلىق قورىنا اۋدارساق دەگەن ويلارىن ايتتى، ول جاعىن وزدەرى شەشە جاتار. دەگەنمەن، ولار از قامتىلعان 1-2 وتباسىنا باسپانا سالىپ بەرەمىز دەپ وتىر، ءبىز ونى قولدايمىز، ءوز تاراپىمىزدان شامامىز كەلگەنشە كومەكتەسەمىز»،-دەدى نۇرلان ورىنباسار ۇلى.
جالپى، رەسپۋبليكا دەڭگەيىندە وتكەن بايگەگە ەلىمىزدىڭ الماتى، شىعىس قازاقستان، اباي، جامبىل، قاراعاندى وبلىستارىنان جانە الماتى، تالدىقورعان قالالارىنىڭ اتبەگىلەرى قاتىستى.
سونىڭ ىشىندەگى 25 شاقىرىمدىق الامانعا - 50 سايگۇلەك، 15 شاقىرىمدىق توپ بايگەسىنە – 40، 8 شاقىرىمدىق قۇنان بايگەسىنە - 50، 4 شاقىرىمدىق تاي جارىسىنا – 30 سايگۇلىك شابىسقا جىبەرىلگەن.
جالپى ەسەپ بويىنشا 100-دەن استام تۇلپار ب ا ق سىناسىپ، ناتيجەسىندە توپ بايگەدەن – باتىس قازاقستان وبلىسى، قۇنان بايگەسىنەن - ەسكەلدى اۋدانى، تاي بايگەدەن – جامبىل اۋدانى جۇلدەلى ورىندارعا يە بولسا، ال الامان بايگەدە قورداي اۋدانى باس جۇلدەنى جەڭىپ الىپ، تىگىلگەن «لادا گرانتا» اۆتوكولىگىن قانجىعاسىنا بايلادى.