قاپشاعايدا جاس جۇبايلار ءولى تابىلدى

سىرتتاي تەكسەرۋ كەزىندە زورلىق-زومبىلىق بەلگىلەرى تابىلعان جوق

8 ساۋىردە قاپشاعاي قالاسىندا جاس جۇبايلار اسۋلى كۇيىندە تابىلدى. جىگىت 22 جاستا، ال جاس كەلىن نەبارى 18 جاستا، دەپ حابارلايدى Almaty-akshamy.kz.

الماتى وبلىسى پد باسپا ءسوز قىزمەتىنىڭ مالىمەتىنشە، ەرلى-زايىپتىلاردىڭ (22 جاستاعى جىگىت پەن 18 جاسار قىز) مايىتتەرى 8 ساۋىردە قاپشاعاي قالاسىندا قالالىق جانار-جاعارماي بەكەتتەرىنىڭ بىرىنە جاقىن ماڭنان تابىلعان. 

«جابىرلەنۋشىلەر اسۋلى تۇردى. سىرتتاي تەكسەرۋ كەزىندە زورلىق-زومبىلىق بەلگىلەرى تابىلعان جوق، سوندىقتان ەرلى-زايىپتىلار وز-وزدەرىنە قول جۇمساۋى مۇمكىن دەپ بولجام جاساۋعا بولادى»، - دەلىنگەن حابارلامادا.

قازىرگى ۋاقىتتا اتالعان دەرەك بويىنشا بارلىق ءمان-جايلار انىقتالىپ جاتىر. تۇپكىلىكتى پروسەسسۋالدىق شەشىم سوت-مەديسينالىق ساراپتاما ناتيجەلەرى بويىنشا قابىلدانادى.

تەرگەۋ مۇددەسى ءۇشىن تولىعىراق اقپارات جاريا ەتۋگە جاتپايدى.

«سونداي-اق، ازاماتتاردان تەك رەسمي اقپارات كوزدەرىنە سۇيەنۋدى سۇرايمىز. قىلمىستىق زاڭنامادا جالعان اقپارات تاراتقانى ءۇشىن جاۋاپكەرشىلىك قاراستىرىلاتىنىن ەسكە سالامىز»، - دەلىنگەن حابارلامادا.