ولاردىڭ بارلىعى الماتى قالاسىنىڭ تۇرعىندارى
الماتى وبلىسىندا سىنعان مۇز ۇستىندە قالىپ قويعان 12 بالىقشى قۇتقارىلدى، دەپ حابارلايدى Almaty-akshamy.kz توتەنشە جاعدايلار مينيسترلىگىنە سىلتەمە جاساپ.
«5 ناۋرىز كۇنى ساعات 15.44-تە الماتى وبلىسى تجد كەزەكشى ءبولىمىنىڭ پۋلتىنە قاپشاعاي سۋ قويماسىنداعى «گولۋبوي زاليۆ» قۇمدى جاعاجاي اۋدانىندا مۇز جارىلىپ، سىنعان مۇز كەسەگى جاعادان الىستاپ بارا جاتقانى تۋرالى حابارلاما ءتۇستى. مۇزدىڭ سىنعان بولىگىندە (مۇزدىڭ قالىڭدىعى شامامەن 15 سم، سىرتقى اۋا تەمپەراتۋراسى +130) 12 ادام قالعان. وقيعا ورنىنا دەرەۋ قونايەۆ قالاسىنداعى جەدەل قۇتقارۋ جاساعىنىڭ قىزمەتكەرلەرى جىبەرىلدى»، - دەلىنگەن حابارلامادا.
ءمالىم ەتىلگەندەي، شاقىرۋ ورنىنا جەتكەن قۇتقارۋشىلار بالىقشىلار جاعادان 30 مەتر جەرگە الىستاپ كەتكەنىن كورگەن.
«تجد قۇتقارۋشىلارى مۇزدىڭ سىنعان بولىگىندەگى بارلىق بالىقشىنى ءجۇزۋ قۇرالدارىنىڭ كومەگىمەن جاعاعا ەۆاكۋاسيالادى. ادامدار قۇتقارۋشىلارعا العىسىن ءبىلدىردى. مەديسينالىق كومەك قاجەت بولمادى. ولاردىڭ بارلىعى الماتى قالاسىنىڭ تۇرعىندارى»، - دەلىنگەن ۆەدومستۆو مالىمەتىندە.
مينيسترلىك وكىلدەرى تەمپەراتۋرانىڭ جوعارىلاۋىنا جانە جەلدىڭ كۇشەيۋىنە بايلانىستى قازىرگى ۋاقىتتا مۇزعا شىعۋ ءقاۋىپتى ەكەنىن ەسكەرتتى.