الماتىدا ۇرلانعان قارۋدى پوليسەيلەر جەتىسۋ وبلىسىنداعى زيراتتىڭ ماڭىنان تاپتى، دەپ حابارلايدى Almaty-akshamy.kz Inbusiness.kz-كە سىلتەمە جاساپ.
پوليسيا قىزمەتكەرلەرىنىڭ مالىمەتىنشە، قاراشانىڭ 11ء-ى كۇنى جەتىسۋ وبلىسى ءىىد ۇيىمداسقان قىلمىسقا قارسى كۇرەس باسقارماسىنىڭ جەدەل قىزمەتكەرلەرى ءىىد-نىڭ كومەگىمەن كوكسۋ اۋدانىنداعى مۇقىرى اسۋى ماڭىندا جاسىرىلعان قارۋ قويماسىن انىقتادى.
اتاپ ايتقاندا، ول جەردەن ەكى ويىق ۇڭعىلى قارۋ مەن ءارتۇرلى قارۋ-جاراقتىڭ 300-دەن اسا ءوق-دارىسى، سونداي-اق وق وتكىزبەيتىن كەۋدەشەلەر تابىلدى. ارنايى مالىمەتتەر بازاسىن تەكسەرە كەلە، تابىلعان كارابيندەر مەن وق-دارىلەردىڭ قاڭتار وقيعاسى كەزىندە الماتىداعى قارۋ ساتاتىن دۇكەندەردىڭ بىرىنەن ۇرلانعانى انىقتالدى.
اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 287-بابىنىڭ 3-بولىگى ("قارۋدى، وق-دارىلەردى زاڭسىز الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ") بويىنشا قىلمىستىق ءىس قوزعالدى. تەرگەۋ وبلىستىق تەرگەۋ باسقارماسىنىڭ وندىرىسىندە. ءقازىر تاركىلەنگەن قارۋ ساراپتاماعا جىبەرىلدى.