دەرەكتى فيلم «قاڭتار. مەملەكەتتىك توڭكەرىس ارەكەتى. وقيعا قالاي ءوربىدى؟» دەپ اتالادى.
ءىس-شاراعا قوناق بولىپ رەسەي فەدەراسياسى پرەزيدەنتى اكىمشىلىگىنىڭ، رف سىرتقى ىستەر مينيسترلىگىنىڭ، ۇقشۇ حاتشىلىعىنىڭ وكىلدەرى، رەسەيلىك تانىمال عالىمدار، ساراپشىلار مەن جۋرناليستەر باردى، دەپ حابارلايدى Almaty-akshamy.kz سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
فيلمدە سول كۇندەرى ەل قالالارىنداعى جاعدايدىڭ قالاي بولعانى، قانداي ماڭىزدى شەشىمدەر قابىلدانعانى، داعدارىستان قالاي شىققانى باياندالادى.
اۆتورلار بارلىق جايلار مەن فاكتىلەردى، قۇجاتتاردى، فوتوسۋرەتتەردى، بەينەجازبالاردى جانە كۋاگەرلەردىڭ جازبالارىن زەرتتەپ، تالداپ كورسەتكەن.
كورسەتىلىم الدىندا ءسوز سويلەگەن قازاقستاننىڭ رەسەيدەگى ەلشىسى داۋرەن ابايەۆ قاڭتاردى ەلدەگى ماڭىزدى وزگەرىستەردىڭ كاتاليزاتورى، سوندىقتان سول كۇندەردىڭ وقيعالارىن وبەكتيۆتى جانە بەيتاراپ ءتۇسىنۋدىڭ ماڭىزى زور ەكەنىن ايتتى.
"ءبىز ءفيلمدى ساراپشىلار مەن جالپى جۇرتشىلىق وسى تاقىرىپقا قىزىعۋشىلىق تانىتاتىن ەلدە كورسەتۋدى ءجون سانادىق"، – دەپ اتاپ ءوتتى ەلشى.
ءىس-شاراعا قوناق بولىپ رەسەي فەدەراسياسى پرەزيدەنتى اكىمشىلىگىنىڭ، رف سىرتقى ىستەر مينيسترلىگىنىڭ، ۇقشۇ حاتشىلىعىنىڭ وكىلدەرى، رەسەيلىك تانىمال عالىمدار، ساراپشىلار مەن جۋرناليستەر باردى.
"ولاردىڭ پىكىرىنشە، قازاقستاننىڭ قانداي تۇڭعيىقتىڭ شەگىندە تۇرعانى جانە رەسپۋبليكا باسشىلىعىنىڭ ناقتى ارەكەتى بولماعاندا تراگەديانىڭ اۋقىمى قانداي بولاتىنى ءفيلمدى كورگەننەن كەيىن بەلگىلى بولادى"، - دەلىنگەن ۆەدومستۆو حابارلاماسىندا.
ۇقشۇ بىرىككەن شتابىنىڭ بۇرىنعى باسشىسى الەكساندر ستۋدەنيكين ۇجىمدىق بىتىمگەرشىلىك كۇشتەرىنىڭ وقۋ-جاتتىعۋلارى بارىسىندا جيناقتالعان تاجىريبە ۇيىم جۇمىسىندا وڭ ءرول اتقارعانىن اتاپ ءوتتى.
ۇلتتىق زەرتتەۋ ۋنيۆەرسيتەتى ەكونوميكا جوعارى مەكتەبىنىڭ باس ساراپشىسى ۆياچەسلاۆ يۆانوۆ رەسەيدىڭ ورىن العان قايعىلى وقيعالاردى ءجىتى قاداعالاپ وتىرعانىن جانە جاعدايدىڭ بەيبىت جولمەن شەشىلۋىنە ءۇمىت ارتقانىن ەسكە سالدى. ونىڭ ويىنشا، بەرەرى مول ءفيلمدى قالىڭ كورەرمەنگە كورسەتۋ كەرەك.