قاڭتار وقيعاسى. قاماۋدا وتىرعان الماتىلىق ءۇش ستۋدەنت شىعارىلدى

بالالاردىڭ ايتۋىنشا ولار بەسەۋ بولعان، بىرەۋىن اتىپ تاستاعان جانە قورقىتقان

بۇل تۋرالى «اقيقات» قوعامدىق كوميسسياسىنىڭ ءتورايىمى ايمان وماروۆا كوميسسيانىڭ ءبىراپتالىق جۇمىسىن قورىتىندىلاۋ كەزىندە ايتتى، دەپ حابارلايدى Almaty-akshamy.kz Baq.kz-كە سىلتەمە جاساپ.

ونىڭ ايتۋىنشا، الماتىداعى تەرگەۋ يزولياتورىندا وتىرعان ءۇش ستۋدەنت ازامات امانگەلدييەۆ، ازات ءۋالي جانە داستان جايىلعانوۆقا قاتىستى بۇلتارتپاۋ شارالارى وزگەرتىلىپ، ءۇيقاماققا اۋىستىرىلعان.

"ولارعا ق ر قك-نىڭ 272-بابىنىڭ ەكىنشى بولىگى بويىنشا ايىپ تاعىلعان. سوت ولاردىڭ قارۋ-جاراق تاسىعانىن كورسەتەتىن ۆيدەولاردى العا تارتتى. الايدا ولار ءماجبۇرلى تۇردە بارعان. ياعني دايىندالعان قارۋلى ادامداردىڭ قورقىتۋىمەن 5 قاڭتاردا الاڭعا بارىپ، زاڭسىز ارەكەتتەر جاساعان. ميتينگكە قارۋمەن قورقىتىپ اپارعانى تۋرالى باسقا دا ادامدار ايتىپ جاتىر. سوندىقتان ءبىز بۇل بالالارعا قاتىستى ءىستى توقتاتۋدى ۇسىنعان ەدىك"، – دەدى ايمان وماروۆا.

بالالاردىڭ ايتۋىنشا ولار بەسەۋ بولعان، بىرەۋىن اتىپ تاستاعان جانە قورقىتقان. ماسكا كيگەن قارۋلى ادامدار بىر-بىرىمەن باسقا تىلمەن سويلەسكەن، سوندىقتان ولاردىڭ ايتقانىن ىستەۋگە تۋرا كەلگەن.

كوميسسيا ءتورايىمى وسى ىسكە نازار اۋدارىپ، وتىنىشتەرىنە قۇلاق اسقان پروكۋراتۋرا مەن وزگە دە جاۋاپتى ادامدارعا العىس ءبىلدىردى.

سونىم ەن قاتار ول اتىراۋدا قاڭتار وقيعاسىنا قاتىستى قاماۋدا وتىرعان ەسجانوۆ ەرقانات، ەركەبۇلان بالتابايەۆ، مەدەت نارىشيەۆقا قاتىستى بۇلتارتپاۋ شارالارى وزگەرتىلىپ، ءۇيقاماققا اۋىستىرىلعانىن جەتكىزدى.