لاۋازىمدىق وكىلەتتىلىگىن اسىرا پايدالانعان
تۇركسىب اۋدانىنىڭ سوتىندا الماتى اۋەجايى جەلىلىك پوليسيا ءبولىمىنىڭ بۇرىنعى باستىعى تالعات ءتالىپوۆقا قاتىستى سوت ۇكىمى شىقتى، دەپ حابارلايدى Almaty-akshamy.kz.
الماتى قالالىق سوتى باسپا ءسوز قىزمەتىنىڭ مالىمەتىنشە، تالعات ءتالىپوۆ قاڭتار وقيعاسى كەزىندە بيلىك پەن لاۋازىمدىق وكىلەتتىلىگىن اسىرا پايدالانعانى ءۇشىن كىنالى دەپ تانىلدى.
سۋديا سوتتالۋشىنى 5 جىل مەرزىمگە مەملەكەتتىك قىزمەتتە بەلگىلى ءبىر لاۋازىمداردى اتقارۋ قۇقىعىنان، سونداي-اق 6 جىلعا باس بوستاندىعىنان ايىرۋ جازاسىن تاعايىندادى. بۇدان بولەك ول پوليسيا پودپولكوۆنيگى اتاعىنان ايىرىلدى.
ت.ءتالىپوۆ جازاسىن قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەيدى.
قىلمىستىق ءىس ماتەريالدارىنا سايكەس، ءتالىپوۆتىڭ ارەكەتتەرى سالدارىنان اۋەجاي اۋماعىندا ساۋدا نۇكتەلەرى بار كاسىپكەرلەرگە جالپى سوماسى 414 ملن تەڭگەدەن استام ماتەريالدىق شىعىن كەلدى.
ۇكىم زاڭدى كۇشىنە ەنگەن جوق.