2025 جىلدىڭ قاڭتار ايىندا وتكەن ۇلتتىق ءبىرىڭعاي تەستىلەۋگە (ەنت) شامامەن 126 مىڭ ابيتۋريەنت قاتىسىپ، ولاردىڭ 72%-ى بەلگىلەنگەن مينيمالدى باللدى جيناي الدى، دەپ حابارلايدى aqshamnews.kz ۇلتتىق تەستىلەۋ ورتالىعىنىڭ باسپا ءسوز قىزمەتىنە سىلتەمە جاساپ.
تەستىلەۋدىڭ ورتاشا باللى 67 قۇرادى، ال ەڭ جوعارى بالدى شىمكەنت قالاسىنىڭ وقۋشىسى — 138 بالل جينادى.
سونىمەن قاتار، تەستىلەۋ ەرەجەلەرىن بۇزعانى ءۇشىن 142 ادامنىڭ ناتيجەسى جويىلدى. ولاردىڭ ىشىندە:
- 89 ابيتۋريەنت تىيىم سالىنعان زاتتاردى الىپ وتۋگە تىرىسقان؛
- 53 ادام تەستىلەۋ بارىسىندا ەرەجەلەردى بۇزىپ، اۋديتوريادان شىعارىلدى.
تەستىلەۋگە قاتىسۋشىلاردىڭ 78،7%-ى قازاق تىلىندە، 21،2%-ى ورىس تىلىندە، ال 62 ادام اعىلشىن تىلىندە تاپسىردى. تەستىلەۋ بارىسىندا ەڭ كوپ تاڭدالعان كومبيناسيالار تۋرالى دا مالىمەت بەرىلدى.
بۇل مالىمەتتەر تەستىلەۋ پروسەسىنىڭ اشىقتىعى مەن ەرەجەلەردىڭ ساقتالۋىن قامتاماسىز ەتۋ ماقساتىندا جاريالانعان.