قاننىڭ قويۋ بولۋى نەسىمەن ءقاۋىپتى؟
قان جاسۋشالىق بولىكتەن، سۇيىق نەگىزدەن (پلازما) جانە پلازما اعزا بويىمەن تاسيتىن زاتتاردان تۇرادى. وسى قۇراۋىشتاردىڭ ۇيلەسىمدى بولۋى ماڭىزدى. ياعني، ەريتروسيتتەردىڭ جەتىسپەۋشىلىگى انەميا بولدىرادى، ال پلازما وتە سۇيىق بولىپ كەتەدى، ونىڭ كوپ مولشەرى قاننىڭ ۇيۋىنا اكەلەدى. قاننىڭ جاسۋشالىق ماسساسىنىڭ جانە سۇيىق نەگىزدىڭ قاتىناسىن تۇتقىرلىق دەپ اتايدى. ەگەر ول جوعارى بولسا، قاننىڭ تامىرلار بويىمەن ءجۇرۋى قيىنداي تۇسەدى.
ناشار قاناينالىم اتەروسكلەروز، ۆاريكوز، گەمورروي، باۋىر جانە جۇرەك جەتكىلىكسىزدىگى سەكىلدى اۋرۋلارعا اكەلۋى مۇمكىن.
قان ۇيۋىنىڭ ەڭ قورقىنىشتى سالدارلارىنا ينفاركت پەن ينسۋلت جاتادى.
ترومب ءتۇزىلۋىنىڭ بەلگىلەرى
ترومبوز بەلگىلەرىن ءبىلۋ پروبلەمانى ۋاقىتىندا انىقتاپ، ەم باستاۋعا كومەكتەسەدى. كەيدە ول ەشقانداي بەلگى بەرمەۋى دە مۇمكىن. بەلگىلەر ۇيىعان قاننىڭ قاي جەردە ورنالاسقانىنا قاراي ءارتۇرلى بولادى:
ەگەر ترومب قولدا نەمەسە اياقتا ورنالاسقان بولسا، ول جەر قۇرىسىپ اۋىرۋى جانە ءىسىنۋى مۇمكىن. ترومب ورنالاسقان جەردەگى تەرى قىزىل جانە ۇستاعان كەزدە جىلى بولادى.
ەگەر ۇيىعان قان ىشتە بولسا، ناۋقاستىڭ ءىشى قاتتى اۋىرۋى، قۇسۋى جانە ءىش ءوتۋى مۇمكىن.
جۇرەك قان تامىرلارىندا نەمەسە دەنەنىڭ جوعارعى بولىگىندە قان ۇيىپ قالعان بولسا، كەۋدە تۇسىندا اۋىرلىق پايدا بولۋى جانە اۋىرۋى، دەمىكپە، تەرشەڭدىك، جۇرەك اينۋ جانە باس اينالۋ سەكىلدى بەلگىلەر بايقالۋى مۇمكىن.
ەگەر ترومب وكپەدە بولسا، كەۋدە تۇسى قاتتى اۋىرادى، تىنىس الۋ قيىندايدى، جۇرەك سوعىسى جيىلەنەدى، ارتەريالىق قىسىم ءتۇسىپ كەتەدى، باس اينالادى جانە دەمىكپە، تەرشەڭدىك، قالتىراۋ، قان ارالاس جوتەل پايدا بولۋى مۇمكىن.
ەسكەرتۋ: ەگەر ترومبوزعا كۇمانىڭىز بولسا، دارىگەرگە كورىنىڭىز.
قاندى سۇيىلتاتىن ونىمدەر
قاندى سۇيىلتۋ ءۇشىن راسيونىڭىزعا مىنا ونىمدەردى قوسىڭىز:
- ءزىمبىر؛
- ءزايتۇن مايى؛
- بالىق؛
- اناناس؛
- تۇيمەداق شايى؛
- دارشىن؛
- سارىمساق؛
- تەڭىز قىرىققاباتى؛
- كۋركۋما؛
- سۋ.