قانداسىمىز دامير يسماگۋلوۆ كەلەسى قارسىلاسى تۋرالى پىكىرىن جەتكىزدى

«ءالى ناقتى اقپارات جوق». يسماگۋلوۆ UFC-دەگى كەلەسى قارسىلاسى تۋرالى پىكىر ءبىلدىردى

UFC فايتەرى دامير يسماگۋلوۆ كەلەسى قارسىلاسى تۋرالى جاڭالىققا پىكىر ءبىلدىردى، دەپ حابارلايدى Almaty-akshamy.kz رrosports.kz-كە سىلتەمە جاساپ  

«كەلەسى جەكپە-جەگىمە قاتىستى جاعدايدى تۇسىندىرگىم كەلەدى. عالامتوردا، الەۋمەتتىك جەلىلەردە بۇل تۋرالى اقپارات قاپتا ءجۇر. كەلەسى قارسىلاسىم ناسرات حاكپاراست جايلى ايتاتىن بولساق. ءيا، ءبىز ونىمەن جەكپە-جەك وتكىزۋگە دايىن ەكەنىمىزدى مالىمدەگەن ەدىك. ءبىراق شەشىمدى UFC مەن قارسىلاستىڭ ءوزى قابىلدايدى. ەشقانداي ناقتى اقپارات جوق. ءبىز حابار كۇتىپ ءجۇرمىز. ەگەر راستالسا، كەزدەسۋ بولادى. ناقتىراق ايتساق، ەشتەڭەگە قول قويىلمادى، ەشتەڭە بەكىتىلمەدى»، - دەدى يسماعۇلوۆ Instagram جەلىسىندەگى Stories بولىمىندە.

ايتا كەتەيىك، بۇعان دەيىن باق-تا جەڭىل سالماقتا ونەر كورسەتەتىن ورىنبورلىق ەتنيكالىق قازاق دامير يسماگۋلوۆ (23-1) UFC-دەگى كەلەسى جەكپە-جەگىن 19 اقپاندا لاس-ۆەگاستا (نيەۆادا، UFC Apex) وتكىزەدى دەگەن اقپارا شىقتى.

UFC Fight Night ءتۋرنيرى اياسىندا ونىڭ قارسىلاسى اۋعانستاندىق ناسرات حاكپاراست (13-4) بولۋى مۇمكىن ەكەنى ايتىلدى.