ەلىمىزدە قانداستاردى قابىلداۋدىڭ وڭىرلىك كۆوتاسى 600 ادامعا ۇلعايادى، دەپ حابارلايدى اlmaty-akshamy.kz.
ەڭبەك جانە حالىقتى الەۋمەتتىك قورعاۋ مينيسترلىگى قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىن قايتا ءبولۋ ماقساتىندا وڭىرلەردىڭ اعىمداعى قاجەتتىلىگىنە سايكەس «قانداستار مەن قونىس اۋدارۋشىلاردى قابىلداۋدىڭ 2024 جىلعا ارنالعان وڭىرلىك كۆوتاسىن بەلگىلەۋ تۋرالى» ۆەدومستۆو باسشىسىنىڭ 2023 جىلعى 27 جەلتوقسانداعى № 530 بۇيرىعىنا وزگەرىستەر ەنگىزەدى. بۇيرىقتىڭ جوباسى وسى جىلدىڭ 16 شىلدەسىنە دەيىن جاريا تالقىلاۋ ءۇشىن «اشىق نقا» پورتالىندا ورنالاستىرىلعان.
قۇجات جالپىعا بىردەي بەلگىلەنگەن كۆوتا شەڭبەرىندە قونىس اۋدارۋشىلاردى قابىلداۋدىڭ وڭىرلىك كۆوتاسىن التى جۇزگە دەيىن تومەندەتۋ ەسەبىنەن قانداستاردى قابىلداۋدىڭ وڭىرلىك كۆوتاسىن 600 ادامعا ۇلعايتۋدى كوزدەيدى.
وڭىرلىك كۆوتالاردى وزگەرتۋ قاجەتتىلىگى ەڭبەك كۇشى تاپشى وڭىرلەرگە (سولتۇستىك وڭىرلەرگە) قونىس اۋدارعان قانداستار سانىنىڭ ارتۋىنا بايلانىستى.
بۇيرىق جوباسىمەن تولىعىراق «اشىق نقا» پورتالىندا https://legalacts.egov.kz/npa/view؟id=15106029 سىلتەمەسى بويىنشا تانىسۋعا بولادى.