پرەمەر-مينيستر ولجاس بەكتەنوۆ 2025 جىلعى 25 ساۋىردەگى № 68 قانداس مارتەبەسىن بەرۋ تەتىگىن وزگەرتۋ بويىنشا ۇسىنىستار ازىرلەۋ ءۇشىن جۇمىس توبىن قۇرۋ تۋرالى وكىمگە قول قويدى، دەپ حابارلايدى aqshamnews.kz
قانداس مارتەبەسىن بەرۋ تەتىگىنە زاڭنامالىق تۇزەتۋلەر ەنگىزۋ جونىندە ۇسىنىستار ازىرلەۋ ءۇشىن جۇمىس توبىنىڭ قۇرامى بەكىتىلدى.
- وسى وكىمگە قوسىمشاعا سايكەس قۇرامدا قانداس مارتەبەسىن بەرۋ تەتىگىنە زاڭنامالىق تۇزەتۋلەر ەنگىزۋ جونىندەگى ۇسىنىستار ازىرلەۋ ءۇشىن جۇمىس توبى قۇرىلسىن. جۇمىس توبى 2025 جىلعى 30 مامىرعا دەيىن مەرزىمگە قانداس مارتەبەسىن بەرۋ ءتارتىبىن قايتا قاراۋ بويىنشا زاڭنامالىق تۇزەتۋلەر ازىرلەسىن جانە ولاردى قازاقستان رەسپۋبليكاسىنىڭ ۇكىمەتى اپپاراتىنا ەنگىزسىن، - دەلىنگەن ماتىندە.
ونىڭ ورىندالۋىن باقىلاۋ جانە جەتەكشىلىك ەتۋ پرەمەر-مينيستردىڭ ورىنباسارى ەرمەك كوشەربايەۆقا جۇكتەلدى.
قانداس مارتەبەسىن بەرۋ تەتىگىنە زاڭنامالىق تۇزەتۋلەر ەنگىزۋ جونىندەگى ۇسىنىستار ازىرلەيتىن جۇمىس توبىنىڭ قۇرامى:
ق ر پرەمەر-مينيسترىنىڭ ورىنباسارى، باسشىسى؛
ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى، باسشىنىڭ ورىنباسارى؛
ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى، حاتشى؛
ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى (كەلىسىم بويىنشا)؛
ق ر ادىلەت ۆيسە-مينيسترى؛
ق ر عىلىم جانە جوعارى ءبىلىم ۆيسە-مينيسترى؛
ق ر دەنساۋلىق ساقتاۋ ۆيسە-مينيسترى؛
ق ر مادەنيەت جانە اقپارات ۆيسە-مينيسترى؛
ق ر ءبىلىم ۆيسە-مينيسترى؛
ق ر سىرتقى ىستەر ءمينيسترىنىڭ ورىنباسارى؛
ق ر ۇلتتىق ەكونوميكا ۆيسە-مينيسترى؛
ق ر سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى؛
ق ر ىشكى ىستەر ءمينيسترىنىڭ ورىنباسارى؛
ق ر ۇكىمەتى اپپاراتىنىڭ الەۋمەتتىك دامۋ ءبولىمىنىڭ مەڭگەرۋشىسى؛
وبلىستار، رەسپۋبليكالىق ماڭىزى بار قالالار، استانا اكىمدەرىنىڭ ورىنباسارلارى.
جۇمىس توبىنا 2025 جىلعى 30 مامىرعا دەيىنگى مەرزىمدە قانداس مارتەبەسىن بەرۋ ءتارتىبىن قايتا قاراۋ بويىنشا زاڭنامالىق تۇزەتۋلەر ازىرلەپ، ولاردى ق ر ۇكىمەتىنىڭ اپپاراتىنا ەنگىزۋ تاپسىرىلدى.
ا ن ى ق ت ا م ا:
قانداس – بۇرىن قازاقستان رەسپۋبليكاسىنىڭ ازاماتتىعىندا بولماعان، تاريحي وتانىنا كەلگەن جانە ءتيىستى مارتەبە العان ەتنيكالىق قازاق جانە ونىڭ ۇلتى قازاق وتباسى مۇشەلەرى.
بيىل 3،2 مىڭنان اسا ەتنيكالىق قازاق قانداس مارتەبەسىن الدى. ەڭبەك جانە حالىقتى الەۋمەتتىك قورعاۋ ءمينيسترىنىڭ بۇيرىعىمەن قانداستار مەن قونىس اۋدارۋشىلاردى قابىلداۋدىڭ 2025 جىلعا ارنالعان وڭىرلىك كۆوتاسى 9653 ادام دەپ بەلگىلەندى.