ەتنيكالىق قازاقتار قانداس مارتەبەسىن الۋ ءۇشىن تۇرعىلىقتى جەرى بويىنشا حالىققا قىزمەت كورسەتۋ ورتالىعىنا ءوتىنىشىن بەرە الادى
«وتانداستار» قورى ەلىمىزگە قونىس اۋدارعان قانداستارعا كوشى-قون ۇردىسىندەگى تالاپتاردى ءتۇسىندىرۋ ماقساتىندا دايىندالعان بەينەروليك جاريالادى، دەپ حابارلايدى Almaty-akshamy.kz.
«قازاقستان رەسپۋبليكاسىنا كەلگەن ەتنيكالىق قازاقتار قانداس مارتەبەسىن الۋ ءۇشىن تۇرعىلىقتى جەرى بويىنشا حالىققا قىزمەت كورسەتۋ ورتالىعىنا ءوتىنىشىن بەرە الادى. قانداس مارتەبەسى ءبىر جىل مەرزىمگە بەرىلەدى جانە قازاقستان ازاماتتىعىن العان جاعدايدا توقتاتىلادى»، - دەلىنگەن قوردىڭ Instagram پاراقشاسىندا جاريالانعان بەينەروليكتە.
قوردىڭ تۇسىندىرۋىنشە، قانداس مارتەبەسىن الۋ ءۇشىن حقو-عا ەركىن نىساندا جازىلعان ءومىربايان، جەكە باسىن كۋالاندىراتىن قۇجاتتاردىڭ كوشىرمەسىن، نوتاريالدى كۋالاندىرعان اۋدارماسىمەن، جەكە باسىن كۋالاندىراتىن قۇجاتتاردا ۇلتى جازىلماعان جاعدايدا ءوتىنىش بەرۋشىنىڭ ۇلتىن راستايتىن باسقا دا قۇجاتتار تاپسىرىلادى.
قۇجاتتاردى قاراۋ جانە قانداس مارتەبەسىن بەرۋ ءوتىنىش تىركەلگەن كۇننەن باستاپ 4 جۇمىس كۇنى ىشىندە، ەگەر ءوتىنىش بەرۋشىنىڭ جەكە سايكەستەندىرۋ ءنومىرى بولعان جاعدايدا 3 جۇمىس كۇنى ىشىندە جۇزەگە اسىرىلادى.
View this post on Instagram