بيىل الماتىلىق ءتارتىپ ساقشىلارى قالتا ۇرلىعىمەن اينالىسقان 120 كۇدىكتىنى انىقتادى، – دەپ حابارلايدى اlmaty-akshamy.kz Polisia.kz-كە سىلتەمە جاساپ.
كريمينالدىق پوليسيانىڭ ارنايى توبى بۇل ساندى 10 ايلىق جۇمىستىڭ قورىتىندىسى بويىنشا كەلتىرىپ وتىر. ال “قۇقىقتىق ءتارتىپ” جەدەل الدىن الۋ ءىس-شاراسى بارىسىندا جەدەل ۋاكىلدەر 44 قالتا ۇرىسىن ۇستادى.
– ولاردىڭ ءبىرى – قوعامدىق كولىكتە ۇرلىق جاساپ جۇرگەن 63 جاستاعى ي.ەسىمدى ازامات. قاسكوي قاربالاس ۋاقىتتا كەزەكتى ۇرلىعىن جاساۋعا شىققان. 201-باعىتتاعى قوعامدىق كولىكتە ەر ادام جولاۋشىنىڭ كۇرتەسىنىڭ قالتاسىنان Samsung تەلەفونىن ۇرلاپ كەتكەن. الايدا ونى جەدەل ۋاكىل ۇستاپ الدى. كۇدىكتى ءقازىر قاماۋدا. اۋەزوۆ اۋداندىق پوليسيا باسقارماسىندا سوتقا دەيىنگى تەرگەۋ باستالدى، – دەپ ايتىلدى الماتى قالالىق پد كريمينالدىق پوليسيا باسقارماسىندا.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.