جاۋىن-شاشىن: قالانىڭ كوممۋنالدىق قىزمەتتەرى اۋا-رايىنىڭ وزگەرۋىنە دايىن
بۇگىن الماتىدا تاڭعى توعىزدان بەرى جاۋىن جاۋىپ تۇر، دەپ حابارلايدى Almaty-akshamy.kz.
جاۋىن 10 قاراشانىڭ تاڭىنا دەيىن جاۋادى دەپ بولجانۋدا. ساعات 10:00-دەگى جاعداي بويىنشا قالادا 0،4-0،5 مم جاۋىن جاۋدى.
وسىعان بايلانىستى، ارىق جەلىلەرى ارقىلى سۋدىڭ كەدەرگىسىز ءوتۋىن قامتاماسىز ەتۋ، ىقتيمال سۋ باسۋدىڭ الدىن الۋ جانە جويۋ ماقساتىندا 39 كەزەكشى بريگادا، 184 بىرلىك ارنايى تەحنيكا، 22 موتوپومپالار جانە 804 جول جۇمىسشىلارى جۇمىلدىرىلدى. 1850 قاپ قۇم جينالدى.
اۋدان اكىمدىكتەرىندە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
«قازگيدرومەت» رمك بولجامى بويىنشا الماتى قالاسىندا 10 قاراشانىڭ تاڭىنا دەيىن ورتاشا جاڭبىر جاۋادى، كۇندىز تەمپەراتۋرا +8...+10، تۇندە + 4...+6 گرادۋس بولادى.