13 قازانعا دەيىن جالعاساتىن شارا بارىسىندا 184 پاترۋلدىك ەكيپاج جانە 911 پوليسيا قىزمەتكەرى جولاۋشىلار كولىگىن تەكسەرەتىن بولادى.
شارا باستالعان كۇنى 46 اكىمشىلىك قۇقىق بۇزۋشىلىق انىقتالدى، دەپ حابارلايدى Almaty-akshamy.kz الماتى قالاسىنىڭ پوليسيا دەپارتامەنتىنە سىلتەمە جاساپ.
«بۇل شارا جولاۋشىلار تاسىمالدايتىن قوعامدىق كولىك جۇرگىزۋشىلەرىنىڭ جول قوزعالىسى ەرەجەلەرىن بۇزۋىن انىقتاۋ مەن جولىن كەسۋگە، سونداي-اق اۆتوبۋستاردىڭ تەحنيكالىق جاعدايىن تەكسەرۋگە باعىتتالعان. شارانىڭ ماقساتى - جۇرگىزۋشىلەردىڭ كولىكتىك ءتارتىبىن جاقسارتۋ، تەحنيكالىق اقاۋى بار نەمەسە قايتا جابدىقتالعان جولاۋشىلار كولىگىنىڭ قولدانىستا ءجۇرۋ فاكتىلەرىن انىقتاۋ جانە زاڭسىز جولاۋشىلار تاسىمالىنىڭ جولىن كەسۋ»، - دەيدى، جەرگىلىكتى پوليسيا قىزمەتى باسقارماسىنىڭ باستىعى ماناپ ساتتاروۆ.
ءىس-شارانىڭ ءبىرىنشى كۇنىندە 46 اكىمشىلىك قۇقىق بۇزۋشىلىق انىقتالدى. 29 جۇرگىزۋشىگە ق ر اقبك-نىڭ 595-بابى (مانيەۆر جاساۋ ەرەجەلەرىن بۇزۋ)، 12-سىنە ق ر اقبك-نىڭ 591-بابى (كولىك جۇرگىزۋ كەزىندە تەلەفوندى پايدالانعان) بويىنشا حاتتاما تولتىرىلدى . مامانداندىرىلعان ايىپپۇل تۇراعىنا 1 قوعامدىق كولىك ورنالاستىرىلدى. رۇقسات ەتىلمەگەن 6 قوعامدىق كولىك پەن تاكسي ايالداماسى جويىلدى.