وتاندىق عالىمداردىڭ ىزدەنىسىنىڭ جەمىسى
الماتىنىڭ الما مۋزەيىنە كەلۋشىلەر جەمىستىڭ شىعۋ تاريحىمەن تانىسىپ، المانىڭ جاڭا سۇرىپتارىنىڭ ءدامىن تاتا الادى، دەپ حابارلايدى Almaty-akshamy.kz 24 kz-كە سىلتەمە جاساپ.
الما مۋزەيىندە وسى مەزگىلدە ءپىسىپ جەتىلەتىن المانىڭ جاڭا 4 سۇرپى: كاميلا، زامان، دانالىق جانە ماقسات دەگەن تۇرلەرى بار. ماقسات سۇرپى تامىزدىڭ سوڭىندا پىسەدى، بۇل المانىڭ سۇرپى سەلەكسيالىق جەتىستىك رەتىندە قازاقستاننىڭ مەملەكەتتىك رەەسترىنە ەنگەن.
ءبىر قىزىعى، مۋزەيگە كەلۋشىلەر المانىڭ تۇرىنەن ءدام تاتىپ، ونى باعالاي الادى. مۋزەي قازاق باۋ-باقشا شارۋاشىلىعى عىلىمي-زەرتتەۋ ينستيتۋتى جانە سيۆەرس الما اعاشتارىن ساقتاۋ حالىقارالىق قورىمەن ىنتىماقتاستىق نەگىزدە قۇرىلعان. مۋزەي قورى الما تۇرلەرىنىڭ ءپىسىپ جەتىلۋىنە قاراي تولىقتىرىلىپ وتىرادى.
«مۋزەيگە كەلۋشىلەردىڭ ءارقايسىسىنىڭ پىكىرى ءبىز ءۇشىن ماڭىزدى. المانىڭ جاڭا سۇرىپتارىنىڭ ءدامىن تاتۋ – عىلىمي زەرتتەۋدى باعالاۋدىڭ ءبىر جولى. زەرتتەۋلەر ناتيجەسىندە ارالاس تۇقىمنىڭ ءبىرىنشى كەزەكتە سۋىققا توزىمدىلىگى، تىعىزدىعى، ءپىشىنى مەن تۇسىنە ساراپتاما جاسالادى»، - دەدى الما مۋزەيىنىڭ مەنەدجەرى اقمارال اسىلبەكوۆا.
وتاندىق عالىمدار المانىڭ گەنەتيكالىق قورىن ساقتاي وتىرىپ، 100-دەن اسا سۇرىپتى جاساپ شىعارىپتى. كوپشىلىگى سىناقتان ءساتتى ءوتىپ، شارۋاشىلىقتا وسىرىلۋدە. ال 10-نان استام جاڭا سۇرىپ ءقازىر پومولوگيالىق باقتا ەگىلگەن. سۇرىپ جاساۋدا جەمىستىڭ ءدامى، ءتۇرى، شىدامدىلىعى نەگىزگە الىنادى دەيدى عالىمدار.
«ءبىزدىڭ سەلەكسيونەرلەرىمىز جىلدار بويى ەڭبەكتەنىپ، بىرنەشە سۇرىپتى شىعاردى. بۇل سۇرىپتار ءقازىر كوپكە تانىس الماتىلىق سيناپ، سالتانات، مەرەيتويلىق المالارى. ولار فەرمەرلىك شارۋاشىلىقتاردا وسىرىلۋدە. بارلىق سۇرىپتا اپورتتىڭ بۋدانى بار. سوندىقتان ءدامى دە ءتىل ۇيىرەدى. سونداي-اق تيۋلپان، ۆوسحود سۇرىپتارى دا ءساتتى شىقتى»، - قازاق جەمىس شارۋاشىلىعى عزي قىزمەتكەرى .
كەيبىر سۇرىپتار ونىمدىلىگى، توزىمدىلىگى جاعىنان ءتىپتى اپورتتان اسىپ تۇسەدى. بۇل - فەرمەرلىك شارۋاشىلىق وكىلدەرىنىڭ بەرگەن باعاسى. ماسەلەن، ماقسات سۇرپى گەكتارىنا 290 سەنتنەر ءونىم بەرەدى. ەۋروپالىق پريما سۇرپى ارالاسقان المانىڭ بۇل ءتۇرى قۇرت تۇسۋگە ءتوزىمدى دەيدى عالىمدار.