3 قاراشا كۇنى ساعات 19.00-دە الماتى قالاسىنىڭ سولتۇستىك بولىگىنەن قار جاۋا باستادى. 4 قاراشا كۇنى ساعات 08.00-دەگى جاعداي بويىنشا قالادا 8 سم، تاۋ بوكتەرىندەگى اۋدانداردا - 10 سم، تاۋلى اۋدانداردا - 15 سم قار جاۋدى.
قار جاۋا باستاعاننان بەرى 185 قۇم شاشقىشتىڭ كۇشىمەن جولدارعا كوكتايعاققا قارسى ماتەريالدار سەبىلۋدە. 4200 توننا كوكتايعاققا قارسى ماتەريالدار پايدالانىلدى.
قار تازالاۋ، تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، «قالتالاردى»تازالاۋ جۇمىستارى جۇرگىزىلۋدە.
تۇنگى ساعات 03.30-دان باستاپ قار كۇرەۋ كولوننالارى ۇيىمداستىرىلدى.
قار جيناۋعا 517 بىرلىك ارنايى تەحنيكا، ونىڭ ىشىندە 173 قۇم شاشقىش، 165 سىپىرۋشى-جيناۋ تەحنيكاسى، 52 قار قۇرساۋلاۋشى، 49 ساموسۆال، 9 اۆتوگرەيدەر جانە 1400 جول جۇمىسشىلارى جۇمىلدىرىلدى.
تاۋلى جانە تاۋ بوكتەرىندەگى اۋدانداردا قار شىعارۋ جۇمىستارى جۇرگىزىلۋدە. قالا اۋماعىنان جاپپاي قار شىعارۋ تاڭەرتەڭگى قاربالاس شاقتان كەيىن قولعا الىنادى.
اۋداندىق اكىمدىكتەردە قار تازالاۋ جۇمىستارىنىڭ ءوندىرىسىن باقىلاۋ جونىندە تاۋلىك بويى كەزەكشىلىك ۇيىمداستىرىلدى.
اۋداندىق اكىمدىكتەردە قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
قازگيدرومەتتىڭ بولجامى بويىنشا، بۇگىن كۇندىز قار جاۋادى. تۇندە اۋا تەمپەراتۋراسى مينۋس 13 گرادۋسقا دەيىن تومەندەدى، بۇگىن كۇندىز 6 گرادۋسقا دەيىن اياز كۇتىلەدى.
الماتى قالاسىنىڭ تۇرعىن ءۇي ساياساتى باسقارماسى