2023 جىلعى 10 اقپاندا ساعات 06:00-دەگى جاعداي بويىنشا الماتى قالاسىندا قار تازالاۋ بويىنشا اقپارات
9 اقپاندا ساعات 21:00 شاماسىندا الماتى قالاسىندا قار جاۋا باستادى، ول 10 اقپاندا تاڭعى ساعات 04:30-دا اياقتالدى.
كوكتايعاقتىڭ الدىن الۋ ماقساتىندا جولدارعا كوكتايعاققا قارسى ماتەريالدار سەبىلەدى. ساعات 06:00-دەگى جاعداي بويىنشا 2380 توننا پايدالانىلدى.
تۇنگى ساعات 1-دەن كەيىن قاردى سىپىرۋ جۇمىستارى جۇرگىزىلدى.
قالادا 15 سم قار جاۋدى، تاۋلى جەرلەردە 20 سم.
تۇنگى ساعات 3-تەن باستاپ جول پوليسياسىنىڭ پاترۋلدىك ماشينالارىنىڭ ىلەسىپ جۇرۋىمەن 19 باعان تەحنيكا قاردى كۇرەۋ جۇمىستارىن ۇيىمداستىرىلدى.
قار شىعارۋ جۇمىستارى جۇرگىزىلۋدە. تاڭعى 6-دا 390 تەكشە مەتر قار شىعارىلدى.
تروتۋارلاردى، جالپىعا ورتاق قوعامدىق ورىنداردى، قوعامدىق كولىك ايالدامالارىن، جەر ءۇستى وتكەلدەرىن تازالاۋ جۇمىستارى جالعاسۋدا. تۇنگى ۋاقىتتا 462 ارنايى تەحنيكا مەن 339 جول جۇمىسشىسى جۇمىلدىرىلدى.
تاڭعى ساعات 8-دەن باستاپ 524 بىرلىك تەحنيكا جانە 1115 جول جۇمىسشىسىن شىعارۋ جوسپارلانۋدا.
اۋدان اكىمدىكتەرىندە قار تازالاۋ جۇمىستارىنىڭ جۇرگىزىلۋىن تاۋلىك بويى باقىلاۋ بويىنشا كەزەكشىلىك ۇيىمداستىرىلدى.
"قازگيدرومەت" رمك بولجامى بويىنشا، 10 اقپاندا كۇندىز اۋا تەمپەراتۋراسى -1...-3 گرادۋس اياز بولادى، جاۋىن-شاشىن بولمايدى، كەشكە قاراي از كولەمدە قار جاۋۋى مۇمكىن.
الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى.