سپورت اۋەسقويلارى ءتۇرلى قاشىقتىقتا جۇگىرىپ وتەدى.
الماتىدا 26 قىركۇيەك كۇنى جۇگىرۋدەن ونىنشى مەرەيتويلىق «الماتى مارافونى» ءوتىپ جاتىر، دەپ حابارلايدى Almaty-akshamy.kz.
بيىل ونىنشى رەت ءوتىپ وتىرعان مارافون كوروناۆيرۋسقا بايلانىستى بىرنەشە رەت كەيىنگە شەگەرىلىپ كەلگەن بولاتىن.
مارافون اشىلۋىندا الماتى قالاسى اكىمىنىڭ ورىنباسارى ەرجان باباقۇماروۆ ءسوز سويلەدى. قاتىسۋشىلارعا ساتتىلىك تىلەپ، بۇقارالىق سپورتتى دامىتۋدا جۇگىرۋدىڭ ماڭىزدى ەكەنىن اتاپ ءوتتى.
اتالمىش شارادا سپورت اۋەسقويلارىنا كەلەسى قاشىقتىقتار بەرىلگەن: 10 كم، 21،1 كم، 42،2 كم، ەكيدەن كوماندالىق ەستافەتاسى، 10 كم سكانديناۆيالىق ءجۇرىس.
سورە ۋاقىتى:
07:30 – 42،2 كم جانە ەكيدەن
07:40 – 21،1 كم
07:55 – 10 كم
08:10 – 10 كم سكانديناۆيالىق ءجۇرىس.
10 كم – جارىسقا 15 جاستان اسقان سپورتشىلار قاتىسا الادى.
جەڭىمپازدار مەن جۇلدەگەرلەرگە مەدالدار، ماقتاۋ قاعازدارى مەن سىيلىقتار بەرىلەدى.
10 كم سكانديناۆيالىق ءجۇرىس – جارىسقا 15 جاستان اسقان سپورتشىلار قاتىسا الادى. قاشىقتىقتى مىندەتتى تۇردە سكانديناۆيالىق جۇرىسكە ارنالعان تاياقشالارمەن ءجۇرىپ ءوتۋ قاجەت.
21،1 كم – جارىسقا 18 جاستان اسقان سپورتشىلار قاتىسا الادى.
جەڭىمپازدار مەن جۇلدەگەرلەرگە اقشالاي جۇلدە، مەدالدار، ماقتاۋ قاعازدارى مەن سىيلىقتار بەرىلەدى.
42،2 كم – جارىسقا 18 جاستان اسقان سپورتشىلار قاتىسا الادى.
جەڭىمپازدار مەن جۇلدەگەرلەرگە اقشالاي جۇلدە، مەدالدار، ماقتاۋ قاعازدارى مەن سىيلىقتار بەرىلەدى.
ەكيدەن كوماندالىق ەستافەتاسى – 6 ادامنان تۇراتىن كومانداعا 16 جاستان اسقان اۋەسقوي سپورتشىلار قاتىسا الادى.
جەڭىمپازدار مەن جۇلدەگەرلەرگە مەدالدار، كۋبوكتار، ماقتاۋ قاعازدارى مەن سىيلىقتار بەرىلەدى.
قاتىسۋشىلاردىڭ سورەلىك جارنالارىنان تۇسكەن قاراجاتتىڭ ءبىر بولىگى جىل سايىنعى قايىرىمدىلىق ماقساتتارىن ىسكە اسىرۋعا باعىتتالاتىن بولادى.
ستارتتىق جيىنتىقتار 24-25 قىركۇيەكتە ساعات 10:00-دەن 21: 00-گە دەيىن بەرىلەدى مەكەن-جايى: تيميريازيەۆ كوشەسى، 42، اتاكەنت كىىو، 11 پاۆيلون.
باسقا كۇندەرى باستاپقى جيىنتىقتار بەرىلمەيدى.
