الماتىدا 151 قالالىق باعىتقا قىزمەت كورسەتۋ بويىنشا 21 تاسىمالداۋشى جۇمىس ىستەيدى
الماتىداعى قوعامدىق كولىكتىڭ جۇمىسى تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا مەگاپوليس اكىمىنىڭ ورىنباسارى سەرىك قۇسايىنوۆ ايتىپ بەردى، دەپ حابارلايدى Almaty-akshamy.kz
سپيكەردىڭ ايتۋىنشا، الماتىدا باعىتتاردىڭ ۇزدىكسىز جۇمىسىن قامتاماسىز ەتۋ ءۇشىن زاڭناماعا سايكەس تاسىمالداۋشىلار سۋبسيديالانادى.
قازىرگى كەزدە الماتى قالاسىندا 151 قالالىق باعىتقا قىزمەت كورسەتۋ بويىنشا 21 تاسىمالداۋشى جۇمىس ىستەيدى.
باعىتتار بويىنشا جۇرەتىن اۆتوبۋستاردىڭ سانى 2 441 جىلجىمالى بىرلىكتى قۇرايدى. ونىڭ ىشىندە 515 گاز اۆتوبۋسى، 196 تروللەيبۋس، 15 ەلەكتر اۆتوبۋسى جانە ديزەلدەگى 1 715 اۆتوبۋس بار.
الماتى اكىمىنىڭ ورىنباسارى 2021 جانە 2022 جىلدارى «الماتىەلەكتروترانس» ج ش س كوممۋنالدىق اۆتوبۋس پاركى 300 گاز اۆتوبۋسىن ساتىپ الۋ جوسپارلانعانىن اتاپ ءوتتى.
بۇدان وزگە، جەكە ينۆەستور 2022 جىلى قالالىق باعىتتارعا قىزمەت كورسەتەتىن 200-گە دەيىن گاز اۆتوبۋستارىن ساتىپ الۋ، كولىك سانىن 2025 جىلعا دەيىن 500 جىلجىمالى بىرلىككە دەيىن ۇلعايتۋ، جاڭا اۆتوبۋس پاركىن سالۋ ماسەلەسىن قاراستىرۋدا. بۇل جۇمىس جۇيەلى نەگىزدە جۇرگىزىلۋدە.
سونداي-اق، 2022 جىلى الاتاۋ اۋدانىنداعى يندۋستريالدى ايماقتا اۆتوبۋس پاركىن سالۋ جوسپارلانۋدا.
سپيكەر قازىرگى كەزدە الماتىنىڭ ناۋرىزباي اۋدانى قارقىندى دامىپ كەلە جاتقانىن اتاپ ءوتتى. وندا كوپتەگەن تۇرعىن ءۇي كەشەندەرى بار، اۋدان تۇرعىندارىنا قۇرامىندا 121 جىلجىمالى كولىك بىرلىگى بار №14، 15، 26، 27، 104ا، 118 جانە 137 باعىتتار بويىنشا قىزمەت كورسەتىلۋدە. اباي داڭعىلىن ۇڭگىلەۋ جۇمىستارى اياقتالعاننان كەيىن اۋداندا جاڭا باعىتتار ۇيىمداستىرىلادى، ولار كولىك جۇيەسىنىڭ جۇكتەمەسىن ازايتۋعا جانە قولدانىستاعى قالالىق باعىتتاردىڭ ءبىر بولىگىن جەڭىلدەتۋگە كومەكتەسەدى.