جولداۋداعى جايلى مەكتەپ جايى كوڭىلدەن شىقتى - پىكىر.
مەملەكەت باسشىسىنىڭ جولداۋى حالىق اراسىندا كەڭىنەن تالقىلانىپ، جاقسى پىكىرلەر مەن قولداۋلارعا يە بولۋدا. اسىرەسە، ادام كاپيتالى، بالالاردىڭ بولاشاعى ءۇشىن جاسالۋى ءتيىس دەپ اتاپ كورسەتىلگەن مىندەتتەر كوپشىلىكتىڭ كوڭىلىنەن شىققان.
«جولداۋدا ەلىمىزدىڭ، ۇلتىمىزدىڭ دامۋى ءۇشىن ماڭىزدى، نەگىزگى بەس باعىت-باعدار بويىنشا جۇمىس ىستەۋ كەرەكتىگىن كورسەتتى. ەكى جاسقا تولعان بالالاردىڭ بارلىعى بالاباقشادا تاربيەلەنۋى كەرەك، بالاباقشا سالۋ ماسەلەسىن كوتەرۋ جانە سول بالاباقشادا تاربيە بەرەتىن تاربيەشىلەردىڭ جۇمىسىن اتتەستاسيالاۋ، كاسىبي جاعىنان ساي بولۋ قاجەتتىلىگى ايتىلدى. ودان كەيىنگى كەزەكتە جايلى مەكتەپ ماسەلەسى ۇنادى. سەبەبى قازىرگى تاڭدا بىزدە ءۇش اۋىسىمدى مەكتەپتەر بار. بۇل، ارينە، ءبىلىم ساپاسىنا اسەر ەتەدى. ياعني قالالىق جەرلەر مەن اۋىلدىق جەرلەردەگى ءبىلىم ساپاسى بىردەي بولۋ قاجەتتىگى بىزگە ۇنادى. ءبىز قولدايمىز. وسىنداي جولداۋلاردىڭ كوپ بولعانىن قالايمىز»، - دەدى قازۇپۋ جاراتىلىستانۋ ينستيتۋتى ديرەكتورىنىڭ ورىنباسارى داريعا باتايەۆا.