شاھارداعى №140 مەكتەپ-گيمنازيا «ەڭ ۇزدىك ورتا ءبىلىم بەرۋ مەكەمەسى» دەپ تانىلدى
جاڭا وقۋ جىلى مەن تاۋەلسىزدىكتىڭ 30 جىلدىعىنا وراي قالا اكىمى ۇزدىك ۇستازدار مەن ۇيىمداردى سالتاناتتى تۇردە ماراپاتتادى. مۇعالىمدەرگە «ەلىمىزدىڭ ءبىلىم بەرۋدەگى قۇرمەتتى جۇمىسشىسى»، «ىبىراي التىنسارين» توسبەلگىسى جانە قالا اكىمىنىڭ «ەڭبەگى ءۇشىن» مەدالى تابىستالىپ، العىس حاتتار بەرىلدى، دەپ حابارلايدى almaty-akshamy.kz.
سونداي-اق، قالا مەكتەپتەرىنىڭ اراسىندا ورتا ءبىلىم بەرەتىن ۇزدىك ۇيىم انىقتالدى. بايقاۋ قورىتىندىسى بويىنشا م. ماقاتايەۆ اتىنداعى №140 مەكتەپ گيمنازياسى «ەڭ ۇزدىك ورتا ءبىلىم بەرۋ مەكەمەسى» دەپ تانىلىپ، ۇجىم 34 ميلليون تەڭگە كولەمىندەگى اكىم گرانتىن يەلەندى.
«ۇستاز ەڭبەگىن باعالاپ، قادىرلەۋ ۇستازداردى ودان سايىن شابىتتاندىرىپ تىڭ يدەيالاردى جۇزەگە اسىرۋىنا ۇلكەن مۇمكىندىك تۋدىرادى. مەملەكەت تاراپىنان ۇستازدارعا بارلىق جاعداي جاسالىپ، قولداۋ كورسەتىلۋدە»، – دەدى №140 مەكتەپ گيمنازياسىنىڭ ديرەكتورى ءسانيا تىلەۋباي.