«ءقاۋىپتى» تاكسي جۇرگىزۋشىلەرىن انىقتاۋ قيىنعا سوعىپ وتىر دەيدى.
ىشكى ىستەر مينيسترلىگى ەرجان سادەنوۆ ايماقتان ايماققا دەمالىسسىز جولاۋشى تاسيتىن تاكسي جۇرگىزۋشىلەرى ادام ومىرىنە ءقاۋىپ توندىرەتىنىن مالىمدەدى، دەپ حابارلايدى aqshamnews.kz
سادەنوۆتىڭ ايتۋىنشا، جولاۋشىلاردى تاسىمالداۋ سالاسىندا قولدانىستاعى نورمالار ساقتالمايدى.
«ينتەرنەت-تاكسي جۇرگىزۋشىلەرى پايدا تابۋ ءۇشىن ۇيقىسىز جانە دەمالىسسىز كولىك باسقارادى. مەديسينالىق تەكسەرۋدەن وتپەيدى، كولىكتىڭ تەحنيكالىق جاعدايى تەكسەرىلمەيدى. وسىلايشا، ادامداردىڭ ومىرىنە ءقاۋىپ توندىرەدى. دەمالىس، مەرەكە كۇندەرى پوەزعا بيلەتتەردىڭ جوقتىعىنان تاكسي جوعارى سۇرانىسقا يە بولادى. «ءقاۋىپتى» تاكسي جۇرگىزۋشىلەرىن انىقتاۋ جانە جاۋاپقا تارتۋ قيىن»، - دەيدى ءىىم باسشىسى ۇكىمەت وتىرىسىندا.
ينتەرنەت-اگرەگاتورلاردىڭ ءرولى تەك تاپسىرىستاردى بولۋمەن شەكتەلەدى. سوندىقتان كەلەسى جىلدان باستاپ ولارعا تاسىمالداۋ تالاپتارىن باقىلاۋ جۇكتەلەدى. بۇعان سيفرلىق دامۋ مينيسترلىگى، ەڭبەك مينيسترلىگى، كولىك مينيسترلىگى جانە اكىمدىكتەر قاتىسۋى قاجەت.
ءمينيستردىڭ پىكىرىنشە، كولىك مينيسترلىگى مەن اكىمدىكتەر مىنا جۇمىستاردى ۇيىمداستىرعانى ءجون:
قالاارالىق جولاۋشىلار كولىگىن دامىتۋ؛
دەمالىس، مەرەكە كۇندەرىن ەسكەرىپ، سۇرانىسقا يە باعىتتار بويىنشا رەيستەر سانىن كوبەيتۋ؛
سۋبسيديالاۋ بويىنشا جولاقىنى ارزانداتۋ؛
ەڭبەك جانە دەمالىس رەجيمىن باقىلاۋ قۇرالدارىن ورناتۋ.