ميسسيا ءتوراعاسى ارنايى جۇمىس جوسپارىن بەكىتىپ، ميسسيا مۇشەلەرىنە ءتيىستى تاپسىرمالار بەردى.
قازاقستان قاجىلىق ميسسياسى وكىلدەرى ساۋد ارابياسىنىڭ مەككە قالاسىندا ارنايى جيىن وتكىزىپ، جۇمىسىن باستادى، دەپ حابارلايدى Almaty-akshamy.kz
جيىنعا قازاقستان قاجىلىق ميسسياسىنىڭ ءتوراعاسى، نايب ءمۇفتي ەرشات قاجى وڭعار، باس ءمۇفتيدىڭ كەڭەسشىسى بيجىگىت نۇرجىگىت ۇلى، قاجىلىق ءبولىمىنىڭ مەڭگەرۋشىسى ءجاندىللا بەكجىگىتوۆ جانە باسقا دا ميسسيا مۇشەلەرى قاتىستى.
مەككەدەگى العاشقى وتىرىس بارىسىندا ميسسيا ءتوراعاسى ارنايى جۇمىس جوسپارىن بەكىتىپ، ميسسيا مۇشەلەرىنە ءتيىستى تاپسىرمالار بەردى.
«بيىلعى اراپا قاسيەتتى جۇما كۇنىنە ءدوپ كەلىپ تۇر. مۇنىڭ ءوزى ۇلكەن نىعمەت. سوندىقتان قاجىلارىمىزدىڭ قۇلشىلىعىن دۇرىس ورىنداۋى ءۇشىن لايىقتى قىزمەت كورسەتۋىمىز قاجەت. ءار ىستە بايسالدىلىقپەن، سابىرلىقپەن، ىقىلاسپەن ارەكەت ەتۋىمىز قاجەت»، - دەدى ەرشات قاجى وڭعار.
سونداي-اق ۇيىمداستىرۋ، اقپارات تاراتۋ، ۋاعىز ايتۋ، دارىگەرلىك كومەك، قاجىلىققا قاتىستى سۇراقتارعا جاۋاپ بەرۋ ت.ب باعىتتار بويىنشا اتقارىلىپ جاتقان جۇمىستار جايلى باياندالدى.
باس ءمۇفتيدىڭ كەڭەسشىسى بيجىگىت نۇرجىگىت ۇلى 14 تۋريستىك فيرماعا ءبولىنىپ بەرىلگەن قمدب يمامدارىنىڭ ۋاعىز-ناسيحات جۇمىستارىن جەتىلدىرىپ، جات اعىمدى ناسيحاتتاۋعا جول بەرمەۋ كەرەكتىگىن اتاپ وتسە، قاجىلىق ءبولىمىنىڭ مەڭگەرۋشىسى ءجاندىللا بەكجىگىتوۆ وسى ۋاقىتقا دەيىن 5 رەيس ارقىلى ەلىمىزدەن 1060 وتانداسىمىز مەككە مەن ءمادينا قالالارىنا كەلگەنىن باياندادى.
ايتا كەتەيىك، قازاقستان قاجىلىق ميسسياسى جۇمىسىن 5 باعىت (ۇيىمداستىرۋ، ۋاعىز-ناسيحات، العاشقى دارىگەرلىك كومەك، اقپارات جانە سall ورتالىعى) بويىنشا جۇرگىزەدى. ميسسيا مۇشەلەرى قاجىلىق كومپانيالارىنىڭ قىزمەتى، جەرلەستەرىمىزدىڭ جاي-كۇيى مەن دەنساۋلىعى، ۋاعىز-ناسيحات جۇمىستارىنىڭ جۇرگىزىلۋى جانە، ەڭ باستىسى، وتانداستارىمىزدىڭ قاجىلىق پارىزىن دۇرىس ورىنداۋىن قاداعالايدى.