سقو-دا پوليسەيلەر 10 جىل بۇرىن ۇرلانعان تەلەفوندى تاپتى .
قازاقستاندىق ايەلدىڭ 10 جىل بۇرىن ۇرلانعان سمارتفونى وزىنە قايتارىلدى، دەپ حابارلايدى Almaty-akshamy.kz
Polisia.kz سايتىنىڭ حابارلاۋىنشا، سولتۇستىك قازاقستان وبلىسىنىڭ قىزىلجار اۋدانىندا جەدەل ۋاكىلدەر 2014 جىلى جاسالعان تەلەفون ۇرلىعىن اشتى. اۋدان تۇرعىندارىنىڭ ءبىرى سوكولوۆكا اۋىلىنىڭ ماڭىنداعى كولدە دەمالىپ ءجۇرىپ، سول كەزدە تانىمال بولعان Samsung Galaxy S III Mini تەلەفونىن تاپپاي قالعان.
قىلمىستىڭ "ءىزىن سۋىتپاي" اشۋ مۇمكىن بولماعان. سوعان قاراماستان، 10 جىلدان كەيىن ءتارتىپ ساقشىلارىنا اۋداننىڭ 27 جاستاعى تۇرعىنىن انىقتاۋعا مۇمكىندىك بەرگەن جاڭا ءمان-جاي انىقتالعان. ۇرلىق جاساعان كەزدە ول 17 جاستا بولعان. ول كىناسىن مويىنداپ، جاعاجايدا قاراۋسىز قالعان باسقا بىرەۋدىڭ مۇلكىن قالاي يەمدەنگەنىن ايتىپ بەرگەن. ۇرلانعان زات زاڭدى يەسىنە قايتارىلدى.
"قىلمىستىق ءىس جۇرگىزۋ ەسكىرۋ مەرزىمىنىڭ اياقتالۋىنا بايلانىستى توقتاتىلدى. دەگەنمەن، ەسكى ماتەريالدار جاڭا ءمان-جايلاردى انىقتاۋ ءۇشىن ۇنەمى قايتا قارالاتىنىن اتاپ وتكەن ءجون. اشىلماعان بىردە-بىر قىلمىس پوليسيانىڭ نازارىنان تىس قالمايدى"، - دەيدى اۋداندىق پوليسيا ءبولىمىنىڭ باستىعى ءاليحان بايقاداموۆ.