كلۋب باسشىلىعىنىڭ UEFA-عا جولداعان وتىنىشىنە ساي، ەندى "قايرات" فۋتبول كلۋبى "استانا ارەنادا" دوپ تەبەدى، دەپ حابارلايدى aqshamnews.kz
9 جەلتوقسانداعى "وليمپياكوسپەن" وتەتىن كەزدەسۋ جانە 20 قاڭتارعا جوسپارلانعان "بريۋگگە" كلۋبىنا قارسى وتەتىن ماچتار ەلىمىزدەگى ەڭ كوپ سىيىمدىلىعى بار ستاديوندا وتپەك.
الماتىداعى ورتالىق ستاديوندا قىس مەزگىلىندە ويىن وتكىزۋ فۋتبولشىلار مەن جانكۇيەرلەردىڭ دەنساۋلىعىنا زيانىن تيگىزەدى. بۇل تۋرالى الەۋمەتتىك جەلىلەردە سان مارتە جازىلدى. ونىڭ نەگىزگى سەبەبى، ستاديوننىڭ توبەسى اشىق.
شاتىردىڭ بولماۋى جانە قار مەن جاڭبىردىڭ جاۋۋى، جالپى العاندا كۇن رايىنىڭ قولايسىزدىعى كورەرمەندەرگە، بارىنەن بۇرىن ويىنشىلارعا كەرى اسەر بەرەدى.
وسىعان دەيىن "قايراتتىڭ" چەمپيوندار ليگاسىنداعى بيلەت باعالارى دا اشىق سىنالدى. كلۋبتىڭ رەسمي حابارلاماسىنا ساي، ەندى بيلەتتەردىڭ باعاسى 15 000-50 000 تەڭگە ارالىعىندا ساتىلۋى مۇمكىن.