قايرات ساتىبالدى ۇلىنىڭ 120 ميلليون دوللار اكتيۆتەرى مەملەكەتكە قايتارىلدى
قايرات ساتىبالدى ۇلىنىڭ اكتيۆتەرى مەملەكەتكە قايتارىلدى، - دەپ حابارلايدى اlmaty-akshamy.kz سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى قايرات ساتىبالدىۇلىنا جانە باسقا دا ادامدارعا قاتىستى جۇرگىزىلىپ جاتقان تەرگەپ-تەكسەرۋ شەڭبەرىندە ەلدەن زاڭسىز شىعارىلعان اكتيۆتەردى، ونىڭ ىشىندە قىلمىستىق جولمەن الىنعان اقشا قاراجاتىن جانە وزگە دە مۇلىكتى قايتارۋ جونىندە شارالار قابىلداپ جاتىر.
"تەك بيىلعى جەلتوقساندا سىبايلاس جەمقورلىققا قارسى قىزمەت قابىلداعان شارالاردىڭ ناتيجەسىندە ساتىبالدى ۇلىنىڭ جالپى سوماسى 120 ميلليون اقش دوللارىنا، ياعني 55،4 ميلليارد تەڭگەدەن اساتىن اقشالاي قاراجاتىن قايتارۋدى قامتاماسىز ەتتى"، - دەلىنگەن حابارلامادا.
كورسەتىلگەن قاراجات مەملەكەتكە كەلتىرىلگەن زالالدى وتەۋ ەسەبىنە رەسپۋبليكالىق بيۋدجەتكە جىبەرىلگەنى ايتىلدى.
"وسىلايشا، سىبايلاس جەمقورلىققا قارسى قىزمەت سوڭعى 2 جىلدا بيۋدجەتكە جانە كۆازيمەملەكەتتىك سەكتور سۋبەكتىلەرىنە 912 ميلليارد تەڭگەدەن استام سوماعا مۇلىكتىك اكتيۆتەر مەن اقشالاي قاراجاتتى قايتارۋدى قامتاماسىز ەتتى.
بۇرىن ايتىلعانداي، ولاردىڭ قاتارىنا اكىمشىلىك عيماراتتار، ەكسكليۋزيۆتى زەرگەرلىك بۇيىمدار، ءساندى ۇيلەر، پاتەرلەر مەن اۆتوموبيلدەر، اكسيالار مەن كومپانيالارداعى ۇلەستەر، تەمىرجول جولدارى مەن اقشا قاراجاتتارى، سونىڭ ىشىندە شەتەلدەن الىنعان قاراجاتتار كىرەدى".
زاڭسىز شىعارىلعان اكتيۆتەردى قايتارۋ بويىنشا جۇمىس جالعاسىپ جاتقانى ايتىلدى.