مەكتەپتەردەگى ورىن تاپشىلىعىن ازايتۋ ءۇشىن 2023 جىلى «قايرات» شاعىن اۋدانىندا 1500 ورىندىق №211 گيمنازيا پايدالانۋعا بەرىلدى.
2024 جىلعى ناۋرىز ايىندا №59 مەكتەپ-گيمنازياعا سەيسميكالىق كۇشەيتۋمەن جانە 300 ورىندىق كەڭەيتۋمەن قايتا جاڭارتۋدى اياقتالاتىنىن تۇرىكسىب اۋدانى تۇرعىندارىمەن كەزدەسۋىندە قالا اكىمى ايتتى، دەپ حابارلايدى اlmaty-akshamy.kz.
№195 مەكتەپكە 450 ورىندىق قوسىمشا قۇرىلىس باستالدى. قۇرىلىس جۇمىستارى 2025 جىلدىڭ قاڭتار ايىندا اياقتالۋى ءتيىس.
بيىل «جايلى مەكتەپ» ۇلتتىق جوباسى اياسىندا 6100 ورىنعا 4 جاڭا مەكتەپ سالۋ جوسپارلاندى. اتاپ ايتقاندا №198 مەكتەپكە 600 ورىندىق قوسىمشا قۇرىلىس سالۋ، №83 گيمنازيا فيليالىن رەكونسترۋكسيالاۋ، №50 مەكتەپتى سەيسميكالىق كۇشەيتۋ بويىنشا جۇمىستار جوسپارلانۋدا، دەدى قالا اكىمى.
2024 جىلدىڭ ماۋسىم ايىندا قولدانىستاعى عيماراتتارىن بۇزۋمەن الماتى تەلەكوممۋنيكاسيا جانە ماشينا جاساۋ كوللەدجى جاڭا كورپۋسىنىڭ قۇرىلىسى جوسپارلانىپتى. سونىمەن قاتار اۋداننىڭ مەكتەپكە دەيىنگى ۇيىمدارىندا ورىن تاپشىلىعىن قىسقارتۋ ءۇشىن 2024 جىلعى 1 توقسانىنا دەيىن «قايرات» شاعىن اۋدانىندا 260 ورىندىق مەملەكەتتىك بالاباقشانىڭ قۇرىلىسىن اياقتاۋ جانە №70 بوبەكجاي-بالاباقشا عيماراتىن سەيسميكالىق كۇشەيتۋ جوسپارلانعان.