ول الماتىدا 24 ادامدى ۇرلاپ كەتكەنى ءۇشىن ايىپتالعان.
سوت قايرات قۇدايبەرگەندى قاماۋدا ۇستاۋ مەرزىمىن 2023 جىلدىڭ 21 قىركۇيەگىنە دەيىن ۇزارتتى، دەپ حابارلايدى Almaty-akshamy.kz
«الماتى مامانداندىرىلعان اۋدانارالىق تەرگەۋ سوتىنىڭ 2023 جىلى 16 تامىزداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ ق-عا قاتىستى قاماۋدا ۇستاۋ مەرزىمىن ۇزارتۋىن سانكسيالاۋ تۋرالى ءوتىنىشى قاناعاتتاندىرىلدى. ياعني 2023 جىلدىڭ 21 قىركۇيەگىنە دەيىن»، - دەلىنگەن سوت حابارلاماسىندا.
بۇعان دەيىن الماتى پروكۋراتۋراسىندا الماتى ءماسليحاتىنىڭ ەكس-دەپۋتاتى قايرات قۇدايبەرگەنگە قاتىستى ءىستىڭ ءمان-جايى جاريالانعان بولاتىن. بەلگىلى بولعانداي، قاڭتار وقيعاسى كەزىندە قايرات قۇدايبەرگەن الماتىدا 24 ادامدى ۇرلاپ كەتكەنى ءۇشىن (كەيىن ولاردىڭ ءبىرى قايتىس بولدى) ايىپتالعان. ارمان جۇماگەلدييەۆتىڭ جانىندا جۇرگەن. ءقازىر ۇستىنەن ءىس قوزعالعان «ديكيي ارمان» قاماۋدا جاتىر.
ال قايرات قۇدايبەرگەننىڭ ءوزى جاپپاي تارتىپسىزدىكتى ۇيىمداستىردى جانە وعان قاتىستى دەگەن كۇدىكپەن وتكەن جىلدىڭ 22 ساۋىرىندە ۋاقىتشا ۇستاۋ يزولياتورىنا قامالعان بولاتىن. 20 شىلدەدە ق. قۇدايبەرگەن الماتى قالالىق ءماسليحاتىنداعى دەپۋتاتتىق مانداتىنان ايىرىلىپ، «AMANAT» پارتياسىنان شىعارىلدى.