ەكونوميكالىق جانە سىبايلاس جەمقورلىققا قارسى كۇرەس اگەنتتىگىنىڭ بۇرىنعى ءتوراعاسى قايرات قوجامجاروۆقا قاتىستى سوتقا دەيىنگى تەرگەۋ باستالدى، دەپ حابارلايدى Aqshamnews.kz باس پروكۋراتۋراعا سىلتەمە جاساپ.
ۆەدومستۆونىڭ مالىمەتىنشە، تەرگەۋ ونىڭ ءتۇرلى باسشىلىق قىزمەتتەر اتقارعان كەزەڭدەرىندە قىزمەتتىك وكىلەتتىگىن اسىرا پايدالانۋ جانە قىلمىستىق جولمەن الىنعان قاراجاتتى زاڭداستىرۋ دەرەكتەرى بويىنشا جۇرگىزىلىپ جاتىر.
"بارلىق قىلمىستىق ءىس بويىنشا ارنايى پروكۋرورلاردىڭ باسشىلىعىمەن جەدەل-تەرگەۋ توپتارى قۇرىلدى. قىلمىستىق-پروسەستىك كودەكستىڭ 201-بابىنا سايكەس، وزگە مالىمەتتەر جاريا ەتىلمەيدى"، – دەلىنگەن باس پروكۋراتۋرانىڭ حابارلاماسىندا.
ايتا كەتەيىك، قايرات قوجامجاروۆ – بۇرىنعى ۇلتتىق بيۋرونىڭ ءتوراعاسى، ودان بولەك مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىن باسقارعان. ول قارجى پوليسياسىنىڭ گەنەرال-مايورى، اقمولا وبلىسىنىڭ اكىمى جانە قازاقستاننىڭ قاۋىپسىزدىك كەڭەسىنىڭ حاتشىسى قىزمەتىن اتقارعان.