وعان سەبەپ - بىرەر كۇن بۇرىن الماتىلىق كوماندا قاقپاشىسى لەو يگيتانىڭ باسىنىڭ داۋعا قالۋى.
الەۋمەتتىك جەلىدە ونىڭ اۆتوبۋسقا بارار جولدا فۋتزال كوماندالارىنىڭ ەمبلەماسىن اياعىمەن باسىپ وتكەن ۆيدەوسى تارادى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل جاعداي اسىرەسە «اقتوبە» مەن «استانا» كلۋبى جانكۇيەرلەرىنىڭ اشۋىن تۋعىزدى. ولار يگيتانىڭ ارەكەتىن قاتتى سىنعا الىپ، فەدەراسيا باسشىلىعىنان جازالاۋدى تالاپ ەتكەن ەدى. وسىنى نەگىزگە العان قازاقستان فۋتبول فەدەراسياسى ادەپ جونىندەگى كوميتەتىنىڭ وتىرىسىن وتكىزىپ، «قايرات» كلۋبىنا 500 ايلىق ەسەپەتىك كورسەتكىش كولەمىندە ايىپپۇل سالدى. بۇل شامامەن 1 ميلليون 846 مىڭ تەڭگەنى قۇرايدى.
ال كلۋبتىڭ باس ديرەكتورىنا ەسكەرتۋ تۇرىندە تارتىپتىك جازا قولدانىلدى. بۇعان قوسا ول اتالمىش جاعدايدىڭ باستاماشىلارىن تاۋىپ، ءتۇسىندىرۋ جۇمىسىن جۇرگىزۋگە مىندەتتەلدى. ايتا كەتەيىك، لەو يگيتانىڭ ءوزى سول جاعدايدان كوپ ۇزاماي ارنايى جازبا جاريالاپ، رەسمي كەشىرىم سۇراعان بولاتىن.