الماتىداعى ورتالىق ستاديوندا وتكەن "قايرات" پەن كيپرلىك "پافوس" اراسىنداعى ماچتە جانكۇيەرلەر وتكەن اپتادا كوز جۇمعان جاس فۋتبولشى دياس تولەۋدى ەسكە الدى، - دەپ حابارلايدى Aqshamnews.kz ءتىلشىسى.
ماچ كەزىندە "قايراتتىڭ" بەلسەندى جانكۇيەرلەرى 19 جاستاعى مارقۇم فۋتبولشى دياس تولەۋدىڭ بەينەسى بەينەلەنگەن ۇلكەن باننەر ءىلدى. باننەر ستاديونداعى بەلسەندى قولداۋ سەكتورىنىڭ الدىڭعى قاتارىنا ورنالاستىرىلدى. بۇل ارەكەت جينالعان قاۋىم مەن كورەرمەندەرگە ەرەكشە اسەر قالدىردى.
ەسكە سالايىق، 16 قازاندا "ءحان-تاڭىرى" فۋتبول كلۋبىنىڭ ويىنشىسى، بۇرىن "قايرات" ساپىندا دا ويناعان دياس تولەۋ وقىس جاعدايدا كوز جۇمعان ەدى. قازاقستان فۋتبول فەدەراسياسى بۇل قايعىلى جاعدايدى راستادى. وقيعاعا بايلانىستى ارنايى كوميسسيا قۇرىلىپ، رەسمي تەرگەۋ باستالعان.