قازاقستاندىق "قايرات" فۋتزال كلۋبى الەمدەگى ەڭ ۇزدىك كوماندا نوميناسياسى بويىنشا بەدەلدى Futsal Awards سىيلىعىنىڭ ۇمىتكەرلەرى قاتارىنا ەندى، - دەپ حابارلايدى aqshamnews.kz ءتىلشىسى پرەميانىڭ باسپا ءسوز قىزمەتىنە سىلتەمە جاساپ.
الماتىلىقتاردان بولەك، تىزىمگە ءتۇرلى ەلدەر مەن قۇرلىقتاردان تاعى توعىز كوماندا كىردى. وسىلايشا، "قايرات" 2025 جىلدىڭ الەمدەگى ۇزدىك 10 كلۋبىنىڭ ءبىرى اتاندى.
Futsal Awards 2025 سىيلىعىنىڭ نومينانتتارى:
-
"ليسسابون" (پورتۋگاليا)؛
-
"بينتانگ تيمۋر سۋرابايا" (ءۇندىستان)؛
-
"بوكا حۋنيورس" (ارگەنتينا)؛
-
"حونگەم تاحام" (تايلاند)؛
-
"دجاراگۋا" (برازيليا)؛
-
"قايرات" (قازاقستان)؛
-
"كاتانيا" (يتاليا)؛
-
"پالما" (يسپانيا)؛
-
"پەنيارول" (ۋرۋگۆاي).
جەڭىمپاز 7 قاڭتاردا وتەتىن سالتاناتتى راسىمدە جاريالانادى.
"قايرات" قالاي ۇزدىك كلۋبتار قاتارىنا ەندى؟
ەسكە سالايىق، الماتىنىڭ فۋتزال كلۋبى - الەمدەگى ەڭ تيتۋلدى بەلسەندى كوماندالاردىڭ ءبىرى. "قايرات" ۋەفا كۋبوگىن ەكى رەت جەڭىپ العان جانە چەمپيوندار ليگاسىنىڭ شەشۋشى كەزەڭدەرىنە تۇراقتى تۇردە قاتىسىپ كەلەدى.
وتكەن ماۋسىمدا الماتىلىقتار ەۋروپانىڭ باستى كلۋبتىق ءتۋرنيرىنىڭ فينالىنا دەيىن جەتىپ، تەك "پالماعا" عانا جول بەردى.
سونداي-اق، "قايرات" قازاقستان چەمپيوناتىن 21 رەت جەڭىپ العان جانە بيىلعى ماۋسىمدا دا تۋرنير كەستەسىندە كوش باستاپ تۇر.
ايتا كەتەيىك، بيىل فۋتزالدان چەمپيوندار ليگاسىندا 1/4 فينالعا قازاقستاننان بىردەن ەكى كوماندا شىقتى — "قايرات" پەن "سەمەي". 23 اقپاندا الماتىلىقتار يسپانيالىق "كارتاحەنامەن"، ال سەمەيلىك كوماندا فرانسۋزدىڭ "ەتۋالىمەن" كەزدەسۋدى باستايدى.
بۇعان دەيىن قازاقستان قۇراماسىنىڭ فۋتزالداعى كوشباسشىلارىنىڭ ءبىرى لەو جاراگۋا برازيليالىق كلۋبقا اۋىسقانى حابارلانعان ەدى.