بۇل سۇراققا ەكولوگيا مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ ورىنباسارى ماقسات ەلەمەسوۆ جاۋاپ بەردى، دەپ حابارلايدى aqshamnews.kz
كوميتەت باسشىسىنىڭ ورىنباسارىنىڭ ايتۋىنشا، بۇگىندە قازاقستاندا ءورت ءقاۋپىنىڭ جوعارى، بەسىنشى كلاسى ورناعان. اۋا تەمپەراتۋراسى 35 گرادۋستان جوعارى، جاۋىن-شاشىن جوق، سول سەبەپتى ماقسات ەلەمەسوۆتىڭ ايتۋىنشا، "ورمان قورىنىڭ بۇكىل اۋماعى ءقاۋىپ ايماعىندا".
"ەڭ ۇلكەن ءقاۋىپ – قىلقان جاپىراقتى ورمانداردا. قاراعايلى ورمانداردا ەڭ الدىمەن ورماننىڭ ۇستىڭگى بولىگىنە ءورت تارالۋ ءقاۋپى جوعارى. سولتۇستىك قازاقستان وبلىسىنداعى جاپىراقتى ورمانداردا قايىڭ اعاشتارىنىڭ اراسىندا دا ءورت باستالىپ جاتىر، ءبىراق ول جەردە جوعارى ءورت بولمايدى، تومەنگى ءورت اسا ۇلكەن ءقاۋىپ تۋدىرمايدى"، – دەپ ءتۇسىندىردى ماقسات ەلەمەسوۆ.
قاراعايلى، قىلقان جاپىراقتى ورمانداردا ءورت شىققان جاعدايدا، جوعارىعا تارالۋ ءقاۋپى بار، بۇل ورمانداردىڭ جويىلۋىنا اكەلۋى مۇمكىن.
"ءقاۋىپ ايماعىندا شامامەن جەتى وبلىس بار: شىعىس قازاقستان، اباي وبلىسى، پاۆلودار، قوستاناي، اقمولا، الماتى جانە قاراعاندى وبلىستارى. بۇل – قاراعايلى ورماندار مەن ورمان القاپتارى بار وڭىرلەر"، – دەپ قوستى ەلەمەسوۆ.