***
وڭايعا تۇسكەن تابىس ويران سالادى،
ەڭبەكپەن كەلگەن ەڭبەكتەپ شىعادى.
***
قازاق پەن قازاقتىڭ اراسىن تۋىس،
كۇن مەن كۇننىڭ اراسىن جۇمىس جالعايدى.
***
قىسىلماي-اق ايتار ەدىم بارشاعا،
جاقسى دەر ەم ەڭبەكپەنەن شارشاعان.
***
مەرەكە – مەيرام كوبەيىپ كەتكەن كەزدە
جۇمىس كۇندەرىن ساعىناسىڭ.
***
ەڭبەككەر ازامات ولگەندە ونىڭ ارتىندا
جاڭا عانا باستالعان ءبىر شارۋا قالادى...
***
جالقاۋلىق ادامنىڭ ءقادىرىن تۇسىرەدى،
ءبىراق ەڭبەكتىڭ باعاسىن كوتەرەدى.
***
ەڭبەك – ساۋ ادامنىڭ شيپاسى.
***
جۇمىس ۇرماي-سوقپاي تاربيەلەيدى.
***
بايانسىز داقپىرتتان
باياندى ەڭبەك ارتىق.
***
ءقاۋىپ ەلشى ەمەس،
تىنىشتىق – ەلشى.
ءتاۋىپ ەمشى ەمەس،
ەڭبەك – ەمشى.
***
ورنەكسىز تەكەمەت بولسا دا،
ەڭبەكسىز كەرەمەت بولمايدى.
***
كىمنىڭ كىم ەكەنى ەڭبەككەرلىگىمەن ەسەپتەلەدى.
***
ەڭبەكپەن ءتىل تابىسقان تالانت،
جالىنان سيپاتپايدى.
***
قاماۋ تەرى الىنباعان جۇيرىك
جارىسقا جارامايدى.
تالانتتىڭ قاماۋ تەرىن جۇمىس الادى.
***
تالانتتىڭ باس باپكەرى – ەڭبەك،
ءبىراق ەل ودان قاشىپ جۇرەدى.
***
كوپ ادام ويدى جۇمىس دەپ ەسەپتەمەيدى،
ال ول قارا جۇمىستان دا اۋىر.
***
جالعىزدىقتىڭ ۋىتىن
جۇمىس قانا قايىرادى.
***
ەڭبەكپەن كەلگەن اقشا ەڭىرەپ شىعادى.
***
ەڭبەكپەن بايلىق قۇرالمايدى.
ءبىراق بايلىقتى ۇستاپ تۇرۋعا ەڭبەك كەرەك.
***
قاجۋدىڭ ەمى – تىنىس،
قايعىنىڭ ەمى – جۇمىس.
***
ءوز ەڭبەگىمەن كۇن كورگەندەر – مايمىلدار عانا.
وزگەنىڭ ەڭبەگىمەن كۇن كورگەندى قالايتىندار – ادامدار.
***
ەڭبەكپەن وتكەن ۋاقىت ەكى ەسە قايتادى.
***
ءبارى دە ەڭبەكپەن كەلمەك،
ۇستازدىڭ ۇستازى – ەڭبەك.
***
اقىل مەن ەڭبەك
ءبارىن دە جەڭبەك.
***
تۇك تىندىرمايتىن اكىمنىڭ
ورىنباسارى كوپ بولادى.
***
جۇمىسباستى ادامنىڭ
جاماندىق جاساۋعا ۋاقىتى جوق.
***
جەتىمدىك – ەڭبەككە،
ەڭبەك – كىسىلىككە تاربيەلەيدى.
***
ەڭبەككەر ادامعا ءسوز تيمەيدى
كوز تيەدى.
***
ەڭبەكتى كۇنكورىس دەپ قاراماي،
ءومىردىڭ ءوزى دەپ تۇسىنگەن ءجون.
***
ادام ەڭبەگىمەن كوگەرەدى.
***
بىر-بىرىنە جاتاتۇعىن جالعاسىپ،
ەڭبەك دەگەن تىرشىلىكتىڭ دۇعاسى.
***
جۇمىس قايعىڭدى ۇمىتتىرادى،
الدىڭدا ءۇمىت تۇرادى.
***
ءبىر كۇن جۇمىس ىستەمەسەڭ،
ءبىر كۇن ءومىر سۇرمەدىم دەپ ءتۇسىن.
***
ەڭبەكتىڭ ءقادىرىن ەڭ ءبىرىنشى بىلگەن – مەشىن.
كەيبىرەۋلەر ەڭبەكتەن الا الماي ءجۇر ءوشىن.
***
ادامدى كۇيىندىرەتىن،
ءتىپتى كيىندىرەتىن دە ەڭبەك ەمەس،
سۇيىندىرەتىن ەڭبەك.
***
ءبىر توننا ەڭبەك –
ءبىر مىسقال بەدەل.
***
ەڭبەكسىز كەلگەن داۋلەت ەسىرتەدى.
***
قارىز سۇراعانعا سۇراعانىن بەر،
اقىل بەرمە!
***
پەندەنىڭ جاۋى – پەندەلىك،
سەندەگى جانە مەندەگى.
بايلىق تا ەمەس، بيلىك تە،
ادامنىڭ باعى – ەڭبەگى.
***
ەڭبەك! ەڭبەك! ەڭبەك!
ەڭبەككەر ساعان عانا سەنبەك.
***
جۇمىس – اۋىزبەن ەمەس،
قولمەن وقىلاتىن دۇعا.
***
جۇمىس – تەر توگۋ،
دەمالۋ – ويلانۋ.
***
اششى تەرمەن جۋىلعان اقشا
التىنمەن باعالانادى.
***
كۇرەك ال دا قار كۇرە،
سونىڭ ءوزى عانيبەت!
***
اق ايازدا اعاش جارساڭ،
قىستىڭ ءوزى جىلىنىپ جۇرە بەرەدى.
***
ادام جاتۋدان دا جالىعادى.
جالىقتىرمايتىن –
سۇيىكتى جۇمىسىڭ عانا!
***
ەڭبەك ەتۋدى قويعان مايمىل
ادام بولمايدى.
***
ەڭبەك ەتكىسى كەلمەگەن ادامنىڭ
ىشۋدەن باسقا جۇمىسى جوق.
***
ۇساق-تۇيەكپەن
ءوزى ۇساق ادامدار شۇعىلدانادى.
***
شاشىراما!
شاشىراما!
تۇرساڭ ءبىر ورنىڭدا تۇر!
ۇرساڭ ءبىر نۇكتەگە ۇر!
***
ەڭبەككەر – قىراننىڭ قاناتى،
تۇلپاردىڭ تۇياعى.
جولبارىستىڭ جۇرەگى،
ادامنىڭ ابىرويى.
***
ەڭبەك – جان-جاقتى،
سەگىز قىرلى، ءبىر سىرلى ەمشى.
ەڭ ءدامدى جەمىس، ەڭ قىمبات جەمىس –
ەڭبەكتىڭ جەمىسى.
***
ءوزىن-وزى ءولتىرۋدىڭ وڭاي نۇسقاسى – جالقاۋلىق.
***
كوپ جەۋگە بولمايدى،
كوپ ىشۋگە بولمايدى.
كوپ ۇيىقتاۋعا بولمايدى،
كوپ ەڭبەك ەتۋگە بولادى.
***
تالانتتىڭ تۇبىنە
ويىن-ساۋىق جەتەدى.
***
اقىماقتارمەن تىلدەسكەنشە،
ەڭبەككەرمەن شۇيىركەلەس.
***
جۇمىستىڭ ەڭ جامانى –
جۇمىس ىستەمەۋ.
***
شارۋاسىن تىندىرعان ادام
شالقىپ سويلەيدى.
***
ەڭبەكتىڭ ەرى –
ماڭدايدىڭ تەرى.
قارا جۇمىس قان تاراتادى.
***
ەڭبەكاقىسىز ەڭبەك ەتكەننەن
ادام بوپ كەتكەن مايمىل عانا.
***
ەڭ اۋىر جۇمىس ىستەگەن وگىزدەر
قامشىدان باس كوتەرمەگەن.
***
ءىسى ۇساقتىڭ ءوزى ۇساق.
***
جالقاۋلىقپەن تۇڭىلدىرمە،
ەكى قولعا تىنىم بەرمە.
***
ەڭبەك ادەتكە
ويلانۋ سالتقا اينالۋعا ءتيىس.
***
ۇقىپتىلىق دەگەن ول زاڭ،
ەڭبەك دەگەن – بالزام.
***
ەڭبەكپەن عانا ءومىر قۇلپىرادى.
ەڭبەككەردىڭ كوزىندە نۇر تۇرادى.
***
ەڭبەك ەتپەگەن پەندە
بارىنەن دە كەندە.
***
ەرگەجەيلىنىڭ وكشەسى بيىك،
ەڭبەككەردىڭ ەڭسەسى بيىك.
***
قيىندىقتىڭ قامالىن زەڭبىرەكپەن المايدى،
ەڭبەكپەن الادى.
***
ەڭبەكپەن كەلگەن دۇنيەڭ – ءوز دۇنيەڭ.
وزگە جەلمەن كەلگەن دۇنيە – وزگەنىكى.
***
جەر اۋدارعان كۇرەكتىڭ ءجۇزى جايناپ تۇرادى.
***
ەڭبەك – ادامنىڭ اۆتوپورترەتى.
***
ادام ءوزى ءۇشىن ەڭبەك ەتەدى،
ەلى ءۇشىن ەرلىك جاسايدى.
***
قۇداي كومەكتەسكەن كۇننىڭ وزىندە
ءوزىڭ تەر توگۋگە ءتيىسسىڭ.
***
ابىرويعا سەن قانشا ەڭبەك سىڭىرسەڭ،
ول دا سونشا قىزمەت ەتەدى.
***
جاراتقاننىڭ ءوزى جۇمىسكەر جاندى جاراتادى.
***
اقىلىڭا تابىن،
ەكى قولىڭا جالبارىن،
قۇداي بەرەدى قالعانىن.
***
شارشاۋدىڭ ءوزى راحات، جۇمىسىڭ بىتسە.
جۇمىسىڭ بىتسە، جۇمىستىڭ جەمىسىن كۇتسەڭ.
***
بايلىق بايانسىز،
باقىت بايانسىز،
ەڭبەك قانا باياندى.
***
ەرتەڭگە سەنبە،
ەڭبەگىڭە سەن!
***
جەسىر مەن جەتىمنىڭ ارقا سۇيەرى –
جۇمىس قانا!
***
تۇسىنە قاراپ تۇڭىلمە،
ىسىنە قاراپ ۇمىتتەن!