رەسەيدەگى جاعداي «پريگوجين» بۇلىگى دەپ اتالا باستادى. ءبىر ساعات بۇرىن رف پرەزيدەنتى ۆلاديمير پۋتين تەلەارنالار ارقىلى مالىمدەمە تاراتتى. وندا ول روستوۆ پەن ۆورونەجدى باسىپ العان پريگوجين كۇشتەرىن ساتقىن دەپ اتادى.
پۋتين مالىمدەمەسىندە «رەسەيدى ساقتاپ قالۋ ءۇشىن» بارلىق كۇشتى جۇمىلدىرۋ كەرەك ەكەنىن، توتەنشە جاعدايدى رەتتەۋگە قاجەتتى بارلىق بۇيىرىقتار بەرىلگەنىن مالىمدەدى. رەسەيلىكتەردى بىرلىككە شاقىرۋدى دا ۇمىتپادى.
«بۇل – ساتقىندىق، رەسەي حالقىنىڭ تۋ سىرتىنان شىشاق ۇرۋ» دەپ باعالاعان پۋتين. بۇل مالىمدەمە بۇعان دەيىنگى پريگوجين ارەكەتىنە قاتىستى «قويىلىم بولۋى مۇمكىن» دەگەن بولجامدى تەرىستەي ءتۇستى.
وقيعانىڭ دامۋ باعىتىنان قاراعاندا رەسەي فەدەراسياسى اسكەري جانە ازاماتتىق سوعىس الدىندا تۇر دەۋگە بولادى.
تۋىنداعان جاعداي رەسەيگە عانا ەمەس، قازاقستان مەن ورتا ازياعا، ءتىپتى تۇتاس جاھاندىق گەوساياسي جاعدايعا اسەر ەتەدى